PRRS vangin Sechhip-ah Vawk thahnem tak thiin ramdang atanga Vawk lakluh khapna thupek siam a ni

Tunhnaiah Serchhip-ah Vawk natna, PRRS a leng ngei tih finfiah a ni a, PRRS avang hian Vawi 80 chuang thi tawhin District Magistrate chuan ramdang a\anga Vawk lakluh khapna thupek pawh niminpiah khan a tichhuak nghal bawk.

Serchhip-a Veterinary Officer, Dr. H. Vanlalrawna hnen a\anga thu kan dawn danin kumin February thla khan Serchhip-a Vety Office-ah Vawk thi report awmin hri leng a nih theih avangin finfiah turin a sample hrang hrangte chu lain March 5 khan hmunpui lamah thawn nghal a ni a, amaherawh chu hri vanga thi a nih finfiah a awm lo a, hemi hnu hian Vawk thi report hi awm chho zelin March 22 khan Vawk thi hrang hrangte thisen leh an taksa them lakkhawm 19 zet chu enfiah tura thawn leh niin heng sample 19 zinga 12-ah te hian PRRS hri hi hmuh a ni ta a ni. Tunhnaia Vawk thi report hi Serchhip-a AH&Vety Office-ah 87 zet a awm tawh a, heng zingah hian Vawk te tam berin 60 vel zet hi a note an ni a, mimal-a Vawk chan hnem ber Dinpuii, IOC Veng chuan a vawk note 26 zet a chan niin Vety Office-ah hian a report a ni.

Dr. H. Vanlalrawna chuan PRRS hi vaccine a awmlo tih sawiin, Vawk damlo nei te chuan a rang lamin an hnenah report zel se an duh thu a sawi a, PRRS lanchhuah dan zingah Chaw ei duhlo, Luak, Khawsik leh Kaw\halo te chu a lar zual a nih thu sawiin, a note chu an Mit a bui \hin tih a sawi a. Rang taka enkawl an nih chuan enkawl dam theih an nih thu a sawi a. PRRS hri hi Vawk leh Vawk-ah awlsam taka inkaichhawn theih a nih thu pawh sawiin, hei vang hian Vawk damlo te chu dah hran nghal thuai tur a nih thu te, mihring in kan tlawhpawh leh a thi te pawh phum emaw, halral emaw tur a nih thu a sawi a, Vawk thi te reng reng chu a sample lak zel an duh avangin an hnenah in hriattir tur a nih thu a sawi bawk.

Hetianga Serchhip-a PRRS a len avang hian Serchhip District Magistrate chuan Serchhip District chhungah ramdang a\anga Vawk lakluh a khap a. Hemi chungchanga niminpiah-a thuchhuah a siam ah Serchhip District Magistrate, Sangchhin Chinzah chuan District AH & Vety Officer, Serchhip District hnen a\anga report an dawn danin tunlai hian Serchhip khawchhungah Vawk hri, Porcine Reproductive and Respiratory Syndrome (PRRS) a leng mek nia rinhlelh a nih thu leh he hri leng avanga Serchhip mipuite tan buaina leh harsatna a thlen loh nan, Section 144 Cr Pc hmanga khapna thupek chhuah chu thil \ul ah a ngaih thu a tarlang a. Hei vang hian Serchhip District huamchhungah mi tumahin ram dang (Foreign Country), a bik takin Myanmar a\angin Vawk an la lut tur a ni lo tih thupek chhuahin a tarlang a ni. District Magistrate in thupek a chhuah zawmlo hi Section 188 IPC hmanga hrem theih an ni anga, he thupek hian engtia rei nge a huam dawn erawh thupek ah hian tarlan tel a ni lo thung.