A thlawnin Gas connection sem

Pradhan Mantri Ujjwala Scheme (PMUY) hnuaiah nimin khan Serchhip District chhung Bung-tlang North khuaa chhungkaw 70 te hnenah Mizofed Serchhip Branch chuan Gas Connection an pechhuak.

Sawrkar laipui in India rama chhungkaw tin ten Gas Connection an neih vek theihna tur leh Meikhu awmlohna khua, Smokeless Village siamna tur atan ruahmanna, Pradhan Mantri Ujjwala Scheme (PMUY) hnuaiah hian Bungtlang ‘N’ khua a Chhungkaw 70 te hnenah Gas Connection thar an pechhuak a. Pradhan Mantri Ujjwala Yojana (PMUY) Scheme hi India rama BPL Family te tana buatsaih niin kum 2016 a\ang khan bul \an alo ni tawh a, he Scheme kaltlang hian kum 3 chhungin India rama BPL family mi vbc. 5 hnenah Gas Connection a thlawna pek tum a ni.

BPL chhungkua te hnena Gas connection a thlawna pek a nih hian Gas booked-na man Rs. 1600/- chu sawrkar laipuiin tum sakin, a bak pek ngai awm chu Gas Agency hnenah Connection ti thar turte hian an pek ve a ngai thung a. He Scheme hnuaiah hian BPL chhungkua sum lama harsa bik, Pawisa pek tur nei miahlo an awm anih pawhin Gas connection an neih theih nan IOC chuan Loan angin a puktir thei bawk a, hei hi Gas an lak apianga subsidy an lak, an Bank Account-a lut a\anga rulh tir an ni.

Hei bakah hian Sawrkar laipui chuan India rama khawtin chu Meikhu awmlohna, Smokeless Village-a siam tumna a kalpui chho mek a. He scheme hi atira BPL hmeichhia te tan chauha tih ni mahse Gas connection la neilo hrim hrim, Tribal hmeichhia te tana chhawr theih tur ruahmanna thar leh tawh a ni bawk. He Scheme hnuaiah hian BPL chhungkua a\anga Tribal Certificate nei, Gas connection la neilo \henkhatte chuan anmahni awmna hnaih ber Gas Agency-ah BPL Gas Connection Booking hi an ti mek a, heng BPL Gas Connection te hi a tahtawl a pekchhuah zel an ni bawk.