Serchhip-ah Ganja man tam

Serchhip-a Excise & Narcotics Department chuan Inrinni khan Serchhip-a rawn pek tur Ganja \hahnem tak manin a neitute pawh thubuai siam sak nghal an ni.

Serchhip-a Excise & Narcotics Enforcement Staff te hian Serchhip Chhim Veng-ah heng Ganja te hi manin Ganja hi a vaiin Kg. 18 a ni a, heng Ganja an man neitu nia puh leh rawn kengtu, Malsawmtluanga (27) S/o Zadingliana, Zemabawk leh Nangsiangkhai (18) S/o Gintuanthang,Tuimang (Myanmar) te pawh man nghal an ni bawk. Thudawn danin heng mi pahnih te hian heng Ganja te hi Zemabawk a\angin Serchhip-a pek turin an rawn keng a, tualchhung a an hralhchhuah lehna ang chuan Rs. 1,90,000/- man tur vel nia chhut niin Ganja leh a rawn kengtute hi ND&PS Act hnuaiah thubuai siam sak niin nimin khan Court-ah hruai an ni.

Hetihlai hian Serchhip-a Excise & Narcotics Department Enforcement Staff te hian tunlai hian Serchhip-ah Heroin hluar mek chung-changah hma an la mek bawk a, kar kalta Nilaini khan Seling dai-ah Champhai Maxi Cab pakhat chu lo enfiahin he Motor-a chuang mi 2- C. Lalbiakzara (56), Serchhip Bazar leh Vunglian-kap (48), Hrianghmun, Champhai District te hnen a\angin Heroin an man a, C. Lalbiakzara hnen a\ang hian Gram 27 man niin hei hi Rs. 18,000/- hu vel nia chhut a ni a, Vungliankap hnen a\ang hian Gram 11 manin hei hi Rs. 80,000/- hu vel nia chhut a ni bawk. Hei bakah hian Sub-Hqrs. YMA Anti-Drug Squad te nen \angtlangin kar kalta bawk khan PC. Lalthansanga (23), Khawbung khua hnen a\angin Heroin gram 3 an man bawk a ni.