Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

SEC atan mi 10 ruat thar

Serchhip Sub-Hqrs. YMA chuan kum hnih chhunga Sub-Hqrs. Executive Committee (SEC) Member tur mi 10 ruatin Committee peng hrang hranga hruaitu turte ruat leh an ni ang.

Kar kaltaa Serchhip Sub-Hqrs. YMA hruaitu tur thlanna neih a nih hnuah Office Bearers atana thlan thar te chuan an thawhpui turte an ruat chho mek a, tunhnai khan YMA Dan bu in a sawi angin Executive Member tur mi 10 an ruat thar a, heng mite hi V. Tlang\huama (S. Kawnpui South Branch), RL. Chhuanawma (New Serchhip Bazar Branch), C. Lalhminghlua (S. Chhim Veng Branch), H. Lalduhawma (S. Hmar Veng Branch), C. Vanlalduhawma (New Serchhip Venglai Branch), Dr. Lalnghinglova (P&E Veng Branch), R. Chalhmingliana (S. Kawnpui North Branch), C. Thangzama (S. Dinthar Branch), Zolianmawia (Vengchung Branch) leh H. Lalchhuangliana (Chhiahtlang Kawn Veng Branch) te an ni. Heng SEC atana mi ruatchhuah te leh Office Bearers te hian tunkar Inrinni khian \hutkhawm neiin Committee peng hrang hranga Chairman tur leh Secretary turte an ruat leh dawn a, chung an mi ruatchhuah te chu SEC Member an ni nghal dawn bawk a ni.

Comments

Popular News (Last 30 Days)