Man man zawka Sawhthing hralhna tur ngaihtuah mek a ni a, reilote ah puan theih beisei a ni - Chief Minister

Chief Minister, Lal Thanhawla chuan man man zawkaSawhthing hralh dan tur ngaihtuah mek a ni a, hun reilote ah puan theih beisei a ni, a ti.

He thu hi nimin, April ni 10, 2018-a Serchhip District Congress Conference-cum-Party Workers Meet khuallian nia hmanpuinaah a sawi a. He Conference-cum-Party Workers Meet, Aizawl District Congress Committee Vice President, Vanlalzuiliana kaihhruaia Serchhip Auditorium-a neihah hian thu sawiin MPCC President ni bawk, Lal Thanhawla chuan Mizoram-ah Congress a sawrkar avangin hmasawnna chak takin a kal a, India ram State ei bar dinhmun economy \ha 4 zingah a tel a, India Gross Domestic Product ( GDP ) 6% vel a nih laiin Mizoram Gross State Domestic Product (GSDP) chu 8% vel a kai daih a, hemi avang hian sawrkar laipui pawhin a ngaihthah loh phah a ni, a ti a. NLUP pawh eptu party ten ngaimawhin tihtawp tumin hma la \hin mah se Prime Minister, Narendra Modia'n \ha a ti a, State dangah pawh kalpui ve ni se a lo ti hial tawh zawk a ni, a ti.

Chief Minister chuan Eptu party ten an sawrkarna chhan tur an sawi \hin chu ‘Term 3 sawrkar an la awm’ tih te chauh a nih thu sawiin, State dangah Term 3 sawrkar an tam tawh a, chuvangin an sawrkar leh ngei dawn a, politics-ah thil hlui a awm lo, Congress leh MNF sawrkar khaikhina a kaihhruai sawrkar hmalakna uar taka sawi darh turin kalkhawmte a fuih bawk. He hunah hian an party zawm thar mi 96 lawmlutin heng zingah hian MZP Hqrs. Serchhip President, T. Biak-chamliana leh Serchhip-VIII MNF VC, John R. Lalhmangaiha te pawh telin thu an sawi bawk.

He hunah hian thusawitu dang Fisheries Minister, Vanlalawmpuii Chawngthu pawhin a bial Hrangturzo-ah hmasawnna hnathawh a tam tawh thu leh heng hnathawh te hi enchiang tura tlawh turin kalkhawm te a sawm a. R. Vanlalvena MLA, President ADCC pawhin thu sawiin party Politics chu ram tana ralvenbuk a nih angin Pathian malsawm tlaka hnathawhna tur hmun a ni, a ti a. He hunah hian Serchhip District Assembly bial 3 te bakah Aizawl South-II leh III a\anga Congress Party a\anga chhimtu mi sang chuang kalkhawmin resolution 4 an pass bawk.

RESOLUTION AN PASS TE :

1. Kumin 2018 Mizoram MLA General Election lo awm turah hian Congress party kan tlin leh ngei theih nan lungrual takin chak taka hma lak ni rawh se.

2. Mizoram sawrkar kal mek Chief Minister, Pu Lal Thanhawla leh a thawhpui ten an kaihhruai dan hi tha kan tiin kan chhuang a, hmasawnna hna chak taka a kal zel theih nan a sawrkar chhunzawm leh ngei hi tih makmawhah kan ngai a. Mizoram mipuite Congress sawrkar chhunzawm leh ngei theih nan kan party-a lo tel vek turin kan sawm a ni

3. Sawrkar-a hlawh lak tur neilo te tana bultanna tura NLUP sem a ni hi lawmawm kan ti a. Hetihlaia eptu party ten NLUP sem ngaimawha titawp tura hma an la reng mai hi miretheite leirem an rahna tur kawng dal tumnaah kan ngai a, kan dem takzet a ni.

4. Congress Party in chak zawka hma a sawn theihna turin Serchhip District  Congress Committee din kan nghakhlel hle a ni.