NEDP hnuaia hmalakna, Mizoram Kailawn, 2018 chungchang inhrilhhriatna Serchhip-ah neih a ni

Mizoram Flagship Programme, New Economic Development Policy (NEDP) hnuaia hmalakna pakhat, Mizoram Kailawn, 2018 chungchang inhrilhhriatna chu nimin khan Serchhip DC’s Conference Hall-ah neih a ni.

Mizoram Kailawn, 2018 chungchang inhrilhhriatna hun hi Serchhip District Addl. DC, Chuauhnuna, MCS chuan kaihruaiin Entreprenuership Development Scheme (EDS) hnuaia Master Trainer Dr. Lalbiakzuali chuan NEDP hnuaia Entreprenuership Development Scheme chungchang leh kan ramin entrepreneur, suangtuahna \ha tak leh a taka tihpuitlin theih nei \ha a mamawh dan te, mitin tan hetiang mi a nih theih dan leh chutiang mi ni tura thil pawimawh hrang hrangte a sawifiah a. Chumi hnuah Lalrinngheti Sangsiama, Mizoram Consultancy Group chuan he hmalakna kal zela Mizoram Kailawn, Business Plan Contest-2018 chungchang chipchiar sawina nei ve lehin, a tel duhte tana tel ve dan pawh a lem nena entirin a sawifiah nghal a ni. He hunah hian Mizoram Kailawn-2017 a pakhatna la tu, Lalsiamthara, Serchhip Bazar Veng pawhin EDS hnuaia training hrang hrang an neih dan leh a hlawkpui dan te sawina hun a nei bawk.

Mizoram Kailawn, 2018 hmalakna hnuaiah hian Mizoram mi tupawh, kum 18 chunglam sumdawnna emaw thil siamchhuahna thar remchang hria, a taka chang ngei tur eizawnna leh sumdawnna suangtuah chhuak thiam te tan kuminah hian intihsiakna, Business Plan Contest, Mizoram Kailawn buatsaih leh mek a ni a. He intihsiakna hi May ni 10 thleng thehluh theih niin internet www.mizoramkailawn.org kaltlanga thehluh tur a ni a, May ni 23-ah result puan a ni anga. A thehlut zinga a ti\ha zual thlanchhuah an ni anga, chung mite chu June 11-15, 2018 chhung uluk taka training pek zui niin an ruahmanna te a taka a chan ngei theih dan tur mithiam zawkten an zirtir leh anga. Chumi hnuah an tih\hat dan a zirin Entreprenuership Summit, 2018-ah lawmman pawh pek an ni leh dawn a ni. Tun \um Mizoram Kailawn atan hian lawmman cheng nuai 10 dah a ni. 

Nimin-a he programme inhrilhhriatnaah hian zirlai naupangte, Self Help Group hrang hrang member te, Chanchinbumite, sawrkar hnathawk leh midang engemaw zat an tel a a ni.