Bialtu MLA-in Aurinna lei

Zonuna Kawlni /
Bialtu MLA leh Chief Minister, Lal Thanhawla chuan Serchhip mipuite hman turin Aurinna hmanrua a lei a, hei hi a duh apiang tana hawh theih turin Serchhip-a I&PR Office-ah dah a ni.
Hemi chungchanga sawrkar thuchhuah tarlan danin Serchhip khawchhunga pawl hrang hrang, NGOs, Village Council, Sports Associations, mimal leh Kohhran hrang hrangte'n bialtu MLA hnenah programme an neih nikhuaa hman tur chi Portable Speaker/Sound an dil ṭhin a. Pawl leh Association hrang hrangte a hranpaa leisak vek a harsat avangin Bialtu MLA leh Chief Minister, Lal Thanhawla chuan Serchhip khawpui huamchhunga a mamawh apiangte'n man chawi loa an hawh theih turin khai sawn zung zung theih au rinna (Portable Ampli-Speaker/Combo Sound) leh Short Horn PA Set chu Serchhip mipuite tan a lei a; a mamawh apiangte hman theih turin nimin aṭang khan Information & Public Relations Office, DC Office Complex-ah a awm thu leh a hmang hawh duh chuan Plain paper-ah dilna ziaka dil theih a nih thu a tarlang bawk.
Location: Serchhip, Mizoram 796181, India

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »