Social Media hman fimkhur a \ul thu Minister in sawi

Fisheries Minister, Vanlalawmpuii Chawngthu chuan Mizote chu Social Media kan hman fimkhur a ngaih thu a sawi.

Nimin a Govt. Kolasib College-a 'One Day Programme on Gender Sensitization Programme' a hmanpuina ah he thu hi sawiin Fisheries Minister chuan thudik hrechiang mang lova Watsapp leh Facebook velah thu kan vawrhdarh chiam chiam chu bansan a pawimawh thu leh zirlaite pawh Social Media-a mi thu post \hin te chu awih nghal ringawt lovin thudik a nih leh niloh te zirchiang hmasa \hin turin a chah a. Mahni zirna leh Chhungkaw nunphung ti khaihlak khawpa Mobile Phone khawih chu mimal, chhungkua leh ram tan \hanmawhbawk anih thu sawiin, chintawk hriat a pawimawh thu a sawi bawk. Hei bakah hian Minister chuan incheina chungchang sawiin, mahni dinhmun mila inchei turin leh zahawm taka inchei \hin turin kalkhawm te a chah a, mi hlawhtling leh mi puitling ni turin hun vawn dik leh Nu leh Pa te thuawih a pawimawh thu a sawi bawk.