Mizoram Youth Commission buatsaihin Serchhip-ah MYC Youth Summit & Road Show-2018 neih a ni

Mizoram Youth Commission (MYC) buatsaihin nimin khan Serchhip Auditorium-ah ‘MYC Youth Summit & Road Show-2018’ neih a ni a, he hun hi Fisheries Minister, Vanlalawmpuii Chawngthu chuan khuallian nia hmanpuiin \halaite khawvel thar din turin MYC chuan hma a lak thu leh heng hmalakna te hi chhawr \angkai a \ul thu a sawi bawk.

MYC Youth Summit & Road Show hawnna hun tur Auditorium Varanda-a neih ah Fisheries Minister chuan Mizoram sawrkar chuan |halaite tana khawvel thar din tura kawng hrang hrangah hma lain Mizoram Youth Commission (MYC) hnuaiah pawh hmalak a nih thu a sawi a. Khawvel \hang zelah kan ngaihdan leh thil kan thlir dan te danglam zelin, \halaite tana Youth Commission hmalakna hrang hrangte chu \halai ten chhawr \angkai an thiam a \ul thu a sawi a. Mizoram chu State naupang te kan la nih thu leh State upa leh lian zawk te nen tehkhin vek theih kan nih loh thu sawiin, sawrkar \anpuina chauh lo pawh hian eizawnna kawng kan dap thei a ni tih kan hriat a \ul thu a sawi a. Eizawnna mamawh zawng zawng te sawrkar hna in min daih vek loh avangin mahni-a din kan tum a pawimawh thu sawiin, harsatna tam tak paltlang hnuah hlawhtlinna a awm \hin thu leh mi hlawhtling kan tih te pawh chung harsatna te paltlanga chhel taka thawktute an nih \hin thu a sawi a. Mizoram chu ziak leh chhiar thiam tam lamah India rama a sang ber dawttu a nih thu sawiin, chhawrtlak thiamna neia \henawm State te lehpel thei tura \anlak a \ul thu a sawi bawk.

Fisheries Minister chuan eizawnna kawnga hlawhtlinna hi sawrkara innghah ngawt chuan thui tak a thlen theih lohva, a thawktu, a titu mihringte inpekna leh taihmakna ah a innghat deuh vek zawk tih sawiin, mi in theihna a neiha, hriatna a neiha, a kawng a hre bawk a nih chuan chung mite \anpui chu Mizoram Youth Commission te, NEDP hnuaia EDS a\angte a \anpui theih an nih thu a sawi a, chutianga \anpui tlak \halai chu kan awm a \ul thu sawiin, heng kan Commission te leh sawrkar policy dangte pawh \angkai taka kan hman theih nan kan inbuatsaih sauh sauh a \ul tak zet a ni, a ti bawk.

Nikhat awh tur MYC Youth Summit & Road Show hawnna inkhawm kaihruaitu Serchhip District Bawrhsap, Sangchhin Chinzah chuan Mizoram Youth Commission in Serchhip-ah Road Show an buatsaih thei chu lawmawm a tih thu sawiin, Serchhip \halaite tan chona nasa tak, hmakhaw eng tak ni bawk a nih thu a sawi a, he hun hi \angkai taka hman nise a duh thu sawiin, he huna kalkhawm Zirlai leh Show tlawhtu mipuite chu engkim belchianga, an tana \angkai tur chite chak taka umzui turin a chah bawk. 

He hunah hian Mizoram Youth Commission-a Youth Commission Officer, Ronald Lalchhuanawma pawhin thu sawiin Summit & Road Show an neih dan tlangpui a sawi a. Hetiang programme an rawn siam chhan chu Serchhip \halaiten zirna ah te, eizawnna kawng dangah leh thiamthil tinrengah hmasawnna neih phah ngei thei se, a \ul ang zelin Youth Commission pawhin a theihna zawnah lo \anpui zel a duh a ni, tih te lo hria se. Hmasawnna tha tak thlentu ni thei ngei se an duh thu a sawi a. He Youth Summit leh Road Show hlawhtlinna chu Serchhip \halai ten an hman \angkai leh \angkai loh ah a innghah thu a sawi bawk.

Nimin a MYC Youth Summit leh Road Show-ah hian Stall 23 hawn niin heng Stall hrang hrang ah hian sawrkar hmalakna leh mithiam te thil siamchhuah chi hrang hrang phochhuah a nih bakah hetiang ti ve duh te tana kawng inkawh-hmuhna neih a ni a. Stall \henkhat ah lehkha zir duh leh eizawnna atana thiam thil zir duhte tana hmalak dan tur kawng inkawhhmuhna neih niin heng Stall hrang hrangah hian mithiam zawk ten he hmun tlawhtute hi kawng an kawhhmuh a. He Summit leh Road Show hi Serchhip-a \halai te bakah zirna In hrang hranga zirlai ten chhimin an hlut hle a ni.