NLUP atana Vawkte supply danah mimal induhsakna uchuak tak a awm nia an hriat thu MNF in an sawi

Serchhip MNF East Block hruaitute chuan nimin khan an President, T. Zadingliana hovin Serchhip-a thuthar thehdarhtute kawmin NLUP a Vawk note sem tur supply chungchangah mimal induhsakna uchuak tak a awm nia an hriat thu an sawi.

Nimin-a Jamela Hotel, Serchhip-a thuthar thehdarhtute an kawmna hunah hian Serchhip MNF East Block hruaitute chuan nikum November 7-a Serchhip a Chief Minister in NLUP hnuaia Vawk note a sem tak supply danah mimal induhsakna uchuak a awm nia an hriat thu hi sawiin, nikum May 9 khan AH&Vety Department Director chuan Serchhip-a DVO chu lehkha thawnin NLUP-a Vawk note sem turah tualchhung Vawk note a tam thei ang ber sem tur leh hemi bawhzuina atan hian Vawk note awm zat pawh report tura tiin hemi ang hian Serchhip DVO chuan Vawk note hi 1622 a awm thu a report tih an sawi a. Hetiang a nih hnu hian Chief Minister hova State Purchasing Advisory Board \hukhawm chuan Vanlalhmuaka, Champhai Zotlang chu Vawk note supply tura thlangin ani hi Vawk note 25,080 supply tirin heng Vawk note supply hi a thi nasa hle tih an sawi a. Serchhip District-a NLUP hnuaia 3rd leh 4th Phase-a Vawk note sem zingah pawh 350 vel a thi tawh nia an hriat thu sawiin, hetianga Vawk note thi tam chhan hi tualchhung Vawk note sem lova hmun hla tak a\anga lak Vawk note sem vang ni ah an ngaih thu an sawi bawk.

Serchhip MNF East Block hruaitute chuan Serchhip District-ah hian NLUP 3rd Phase-ah chhungkaw 268 leh 4th Phase-ah chhungkaw 190, a vaiin chhungkaw 458 te chu Vawk note 6 \heuh sem tura tih niin a hmasa ah beneficiaries te chu anmahni duh anga Vawk note pathum (3) lei tir an nih thu sawiin, heng an duh ang lei zingah hian thi a awm an hriatloh thu an sawi bawk.

He hunah hian Serchhip MNF East Block hruaitute chuan kum 2013 MLA inthlanpui neih a nih dawn khan Mizoram Building and Others Construction Workers Welfare Board sum tam tak sem niin Registration ti te chu an Bank Account-ah pawisa thunsak an nih thu sawiin, tunah hian Registration tih leh mek niin an sawi a. Hetiang hi Moral tihchhiatna lian takah an ngai tih sawiin, pawisa hi sem leh mai a nih an hlauh thu an sawi bawk.

He hunah hian Serchhip MNF East Block hruaitute chuan Serchhip damdawi In a Ambulance chu a mamawh te tan pawh nikum a\angin hman theih a ni tawhlo tih sawiin, Solar Light bun pawh hman theih a nih loh thu an sawi a. A siam\ha theitu sawrkar kan mamawh nia sawiin, bialtu MLA chu heng harsatna te ngaihthah ah leh mahni siamliantu engahmah ngai lovah an puh a, Serchhip bial-ah rawn ding tawhlo tur leh Ser-chhip leilung pawh rawn rap tawhlo se an duh thu an sawi bawk.