ZPM in an candidate Vote turin an sawm

ZPM Party chuan Zoram mipuite chu uar taka Vote thlak tur leh ZPM Candidate lo Vote turin an sawm.

Nimin-a Aizawl Press Club-a thuthar thehdarhtute a kawmna ah ZPM Star Campaigner B. Lalchhanzova chuan Lok Sabha MP inthlan kan lo hmachhawn tawhah ruling party ten an party candidate chu ‘Sawrkar thawhpui theih Candidate’ tiin an lo zuar tawh thin tih sawiin, “ZPM chuan kan MP Candidate hi ZPM auhla tuipuitu, kan Chief Minister Pu Lalduhoma kut ke nithei tur tiin kan zuar mek, ZPM MP candidate thlantlin hi kan State tan hian a tha ber ang tih hi pawm dan tlanglawn ber niin a lang,” a ti a. “State-a sawrkar lai auhla leh hmachhawp pawmtu thlantlin hi kan State tan a tha ber ang tih hi thil hrethiam pha chin te chuan kan pawm dan a ni vek ang. Kan Sakhua leh hnam humhim a nih zel theihnan pawh Central a zawmpui nei ve lo party MP neih hi kan thatpui ber a rinawm,” tiin Zoram mipui vote nei zawng zawngte uar taka vote thlaka, ZPM MP Candidate chu lo Vote turin a sawm bawk a ni.