Serchhip Sub-Hqrs. YMA hruaitute leh MNF Thalai Hqrs. hruaitu ten Tuichang Lei dawh mek an tlawh

Serchhip Sub-Hqrs. YMA hruaitute chuan Zirtawpni tlai khan Kei\um leh Khawlailung inkara Tuichang Lei dawh hna thawh mek chu a \um hnihna atan tlawhin hnathawh dan an enfiah.
Serchhip Sub-Hqrs. YMA hruaitute leh Vigilance & Monitoring Committee hruaitute hian tun thla ni 6-a Tuichang Lei dawh hna kalpui mek an enfiah hnuah Zirtawpni tlai khan helai hmuna hnathawh mek hi an tlawh leh a, helai hmun an tlawh hmasak \um khan hnathawktu, M/S Sadguru Engineers & Allied Services Pvt. Ltd. te chuan hna an thawk muang hle tih sawiin, thawktu awm mumallo a hna chawlhsan a ni chu an hriatthiam loh thu an sawi a, hnathawktu chah thuai a, theihtawpa chaka hna thawk turin Project Manager Deepak Sharma an ngen a. He an ngenna ang hian tun thla ni 12 a\ang khan hnathawktu mi 11 te chuan hna hi \anin tunah hian hna thawh chhoh leh mek a ni a, helai hmuna hnathawh viltu, Project Manager chuan tunah hian hna-thawktu an rawn thlen belh \ep tih a sawi bawk.
Tuichang Lei dawh hna hi December Ni 1, 2016 khan \an a lo ni tawh a, tunah hian Khawlailung ram lama Lei ingnghahna (Foundation) tur hi khawih mek niin Kei\um lama Lei innghahna tur pawh peihfel thawkhat a ni tawh a, kumin Fur ruahtui tlak hma hian Lei ban inghahna tur te hi peihfel hman an beisei thu hnathawktute chuan an sawi bawk.
Inrinni khan MNF |halai Hqrs. pawhin an Vice President, Lalremruata Chhangte hovin he Lei dawh mek hi an tlawh a, kumin chhunga Lei dawh zawh hman tur ni si, Vawiin thlenga hnathawh tawh hmuh mumal tur la awm lo chu lungchhiatthlak an tih thu an sawi bawk.
Hetihlai hian Serchhip District Magistrate chuan thuchhuah siamin tunkar Thawhlehni leh Nilaini khian Tuichang Lei siam\hat hna hi thawh a ni dawn tih a tarlang a, he hna thawh a nih dawn avang hian March 27, 2018 (Thawh-lehni) chawhma dar 10:00 a\anga tlai dar 4:00 thleng Lei hi khar a nih dawn thu leh March 28, 2018 (Nilaini)-ah pawh chawhma dar 10:00 a\anga chhun dar 12:30 thleng Lei hi kharin chhun dar 12:30 leh dar 1:30 inkar ah hawn a nih tur thu leh dar 1:30 a\anga tlai dar 4:00 thleng khar leh a nih dawn thu a tarlang bawk.

Popular News

PAN CARD an tih teh fo hi - Laldinpuia