Tuesday, 10 April 2018

Chief Minister's Rural Housing Scheme tlangzarhna Serchhip-ah Chief Minister hovin neih a ni

New Economic Development Programme (NEDP) hnuaia khua leh tui harsa zawk ten chenna In \ha zawk an  neih theih nana hmalakna, Chief Minister's Rural Housing Scheme tlangzarhna chu nimin khan Serchhip-ah neih a ni a, he hun hi Chief Minister, Lal Thanhawla chuan hmanpuiin \anpuina semchhuah nghal a ni.

Chief Minister's Rural Housing Scheme tlangzarhna inkhawm Serchhip DC’s Conference Hall-a neih ah hian Chief Minister, Lal Thanhawla chuan kuthnathawk ten mahni khawbu zawl \heuhah leirem rap a, khaw eng hmu-a thlamuang taka an awm theih chu sawrkar duh ber a ni tiin, NLUP leh tuna an hawn tak CM's Rural Housing Scheme te chu chumi rilru a\anga lo piang a nih thu a sawi a. Rural Housing Scheme chu chenna In thar sakna tur ni lovin, mahni chenna Inchung chih \hatna tur nei zo lo ten Fur laia thlamuang taka an lo awm theih nana ruahman a nih thu a sawi a. Heng hmalakna pahnih hnuaia \anpuina dawngtute chu dik leh rinawm taka hmang turin a chah bawk.
Chief Minister chuan NLUP chu thlakip-a swrkar hnathawk hlawh la te leh sumdawng hausa te nilovin, mi harsa, kuthnathawka eizawngtute an lo intundin a, an thawhrim rah malsawmna an lo hmuh theih nana bul\anna siamsakna tur a nih thu a sawi a. He hmalakna avanga Mizoram in ei leh bara hmasawnna a hmuh thu sawiin, NLUP kalpui a nih a\angin India rama state \hang chak ber pali (4) zingah Mizoram a tel thu leh, a dangte chu Gujarat, Jharkhand leh Tripura annih thu te; kum kaltaa kum khata mimal sum lakluh chawhrual (Per Capital Income)  chu India rampum aiin Mizoram a san zawk thu te sawiin, hemi ni thei tura thawhtu chu NLUP niin, a hmanrua chu Line Department t\euh te leh a dawngtu zingah a tam zawkin \ha taka an hman vang a nih thu a sawi bawk. Chief Minister, Lal Thanhawla chuan Mizoram chu Subsistence Economy, ei \awk \awk economy a\anga Market Economy a inhlangchho turin sawrkarin NEDP a duan thu leh chu chu NLUP hlawhtlinna ti nghettu a nih tel thu a sawi bawk a. Hemi hnuaiah hian mi remhria leh taima te chuan an thiamna hmanga an bul\anna ah sawrkar \anpuina leh kawhhmuhna hmangin eizawnna ngelnghet siamchhuaka midang tan eizawnna siamtu an lo ni thei dawn a ni, a ti bawk.
Chief Minister's Rural Housing Scheme hnuaiah hian Serchhip District chhungah a hmasa ber atan beneficiary 200 thlanchhuah an ni a. East Lungdar RD Block a\angin beneficiary 38 awmin, Serchhip RD Block huamchhungah 162 an awm thung a. Beneficiary-te hi uluk taka thlan niin, a tirah Gram Sabha koh a ni a; tualchhung mipui kalkhawmten he \anpuina dawng awm nia an hriat te an thlan hnuah, chung mite chu VLA ten a hmunah chik taka endikin, District Level Selection Committee hnenah report an thehlut leh a. District Level Selection Committee chuan uluk takin report a\ang chuan beneficiary awm tura an hriat te an lo thlang ta a ni.
Chief Minister's Rural Housing Scheme hnuaia \anpuina hi beneficiary pakhat in Rs. 50,000/- zel an dawng dawn a. Instalment hmasa zawkah Rs. 30,000/- \heuh pek niin, an hman \hat dan azirin Rs. 20,000/- chu installment pahnihna atan sem leh a ni anga. |anpuina hi Account Payee Cheque a sem niin, a dawngtu tur ngei ten a vaia an chan ngei theihna turin ruahman a ni.
Nimin a he hun hman hi Serchhip District Bawrhsap, Sangchhin Chinzah chuan a kaihruai a, Serchhip RD Block-a BDO, Vanlal-hmachhuana chuan Technical Report pein he scheme kalphung te a tarlang a, Serchhip DRDA Project Director, VL. Remliana chuan lawmthu sawina neiin hun a khar a, nimin a he hun hmanna ah hian Serchhip RD Block huamchhunga \anpuina dawng turte bakah sawrkar Department Official, khawtlang hruaitute leh sawmbik mi \hahnem tak an tel a ni.

Latest News

PRISM Party in Counter Affidavit an file thu an sawi

PRISM Party chuan MLA inthlana din tuma Nomination File mi 28 lakah Counter Affidavit File a nih thu an sawi.