International Day for Biological Diversity hmang

International Biological Diversity Day chu nimin khan khawvel hmun hrang hrangah hman niin Aizawl-ah pawh Chief Minister, Lal Thanhawla hovin hman a ni.

International Day for Biological Diversity 2018 lawmna inkhawm Art & Culture Auditorium, Berawtlang, Aizawl-a neih ah hian Chief Minister chuan Mizo Kristiante chu thilsiam zawng zawng hnenah chanchin\ha hril tur kan nih avangin nungcha, thing leh mau humhalh kawngah tun aia nasa lehzuala \anlak a ngai a ni, a ti a. Mizoram-a nungcha, thing leh ramhmul damdawi chi tam takte chu a chhunga chengten kan hmelhriat hmain a lo rem tawh hial a rin thu sawiin Chief Minister chuan, tunah chuan sawrkar leh khawtlangte \angrualin Zokhua zawka nungcha, thing leh mau leh ramhmul damdawi te humhalhna kawngah mite hrilhhriat leh venhim hna thawh mek a ni, a ti bawk. Thilnung chi tinrengte humhalha venhim an nih theihna turin United Nations Convention on Biological Diversity (CBD) chu kum 1992 khan Brazil khawpui Rio de Janeiro-a Earth Summit-ah khan din a lo ni tawh a. Hemi denchhen hian kumtin May ni 22 hi ‘International Day for Biological Diversity’ atan United Nations chuan a lo puang ta a ni.