CADC-ah sawrkar tur chianglo

Chakma Autonomous District Council-ah pawl pahnih BJP leh Congress \angdun leh MNF in Sawrkar an siam theih thu an thlen avangin sawrkar siam tur hi Floor Test hmanga thlan a ngai dawn nia hriat a ni.
District Council and Minority Affairs Department hotute hnen a\anga thudawn danin, BJP leh Congress \angdun leh MNF in Sawrkar an siam theih thu an thlen chu nimin khan Larsap hnena thehluh hman beisei a ni a. Tunhnaia BJP member, Shanti Jiban Chakma kaihhruai BJP leh Congress \angrualin sawrkar an siam theih thu an hriattirnaah an inhmuhkhawmna a telte hming ziahna chauh an thehlut tel a, thawhho an remtihna, Declaration Certificate an thil tel loh avangin member zawng zawngin thawhho an remti tih lantirna lehkha, an hming ziah hnan ngei thehlut \ha leh tura tih an ni a, hei hi an tihfel bakah member 8 nei MNF-in Party mala member ngah ber an nih anga sawrkar siamtu tur an nih thu an thlen chu nimin khan Larsap hnenah thlen hman beisei a ni tih an sawi.
DC&MA Department hotute chuan, BJP leh Congress \angdunin sawrkar an siam theih thu leh Congress member-ten BJP an thlawp thu an hriattirnaah Congress member-te hming chiah ziah lan a ni, hetah hian BJP member-te hming ziahlan ve ni lo mah se, pawm sak an ni ta tho niin an sawi a. Tunhnaiah member 8 neitu MNF-in sawrkar an siam theih thu an thlen ve leh tak avangin Sorkar siam tur hian Floor Test neih a ngaih tur thu nimin a Larsap hnena an lehkha thehluhah tarlan tel a ni tih DC&MA hotute chuan an sawi.
Tarlan tawh \hin angin, Chakma Autonomous District Council inthlan result April ni 24-a puan takah Party mala sorkar siam thei an awm lova. Result puan ni hian MNF leh BJP in sawrkar siam tum mah se BJP leh Congress in sawrkar siam an tum leh a, Party mala seat la tam ber MNF pawhin sawrkar siam tumin hma an la zui ve mek bawk a ni.

Latest News

Hmasawn zelna tur kan la nei

Hmasawn zelna tur kan la nei

Popular News