H/S Sports hawnna neih a ni

Serchhip District High School Sports Meet vawi 16-na chu nimin khan DC Playground, Khaw-tetlang-ah hawnna neiin tunkar Zirtawpni thleng neih a ni ang.
Serchhip District High School Sports Meet hawnna hi Organising Committee Chairman, Lalduhawma Khiangte chuan kaihruaiin khuallian nia he hun hmanpuitu Serchhip DEO, Lawmawma chuan Serchhip District khaw hrang hrang a\anga High School zirlai kalkhawmte chu chibai bukin, he Sport a\ang hian \hian leh hmelhriat thar te chhar \heuh turin a chah a. He huna tel zirlaite chu zirtirtute thuawih turte, ruihtheih thil leh nungchang \halo laka fihlim tura chahin, Sport chuan mihring taksa a ti hriselin hei hi zirlate tan a pawimawh thu a sawi a. Sum awmlo karah Zirtirtu te \hahnem ngaihna avanga Sports neih tum a nih laiin sawrkar a\angin Sports neihna tur hian sum tlem azawng hmuh a awm tawh thu a sawi bawk.
He Sports hawnnah hian Organising Committee Secretary, C. Lalrammuana chuan report pein khuallian, Serchhip DEO hian kumin HSLC Exam-a Serchhip District chhunga High School ti\ha te hnenah lawmpuia thuziak ‘Letter of Appreciation’ a hlan nghal bawk.
Serchhip District High School Sport Meet-ah hian infiamna chi hrang hrang- Athletics Items chi hrang pakua (9) leh Team Work (Hockey, Volleyball leh Football) bakah Boxing leh Judo hmangte a infiamna hi neih tur niin Hmeichhe Hockey erawh kar hmasa khan Thenzawl Hockey Playground khelh zawh a lo ni tawh a, Govt. Lallengvunga High School Thenzawl chu an lo champion tawh a ni. Serchhip District High School Sport-a Athletics-a pakhatna leh pahnihna leh Boxing leh Judo-a pakhatna bakah Team Work-a a ti\ha thlanchhuah te hi Mizoram School Games-ah Serchhip District aiawhin an kal dawn a, Mizoram School Games hi kumin October 23-26 chhung khian neih tur a ni ang. He Sport-ah hian District chhunga High School 24 an tel a ni.

Popular News

PAN CARD an tih teh fo hi - Laldinpuia