Kawng zauh dan tur enfiah

Serchhip Town Development Committee (ST-DC) hruaitute chuan Inrinni zing khan Serchhip Bazar a\anga Lower Chanmari Veng panna kawng peng zauh dan tur an enho.

STDC te hian an Chairman, PC. Vanlalsawma chuan hovin Ser-chhip Bazar atanga Lower Chanmari Veng panna kawng zauh dan tur hi enin helai hmuna In nei, K. Tlanglawma, Lawmkima leh Nl. Mazuali te chu biain hemi hmalam hian Lalchhuana chu biak a lo ni tawh a, heng mite hi khawtlang tana an ram sahthlak rem ti turin an ngen a, heng an mi ngen te hnen a\ang hian harsatna siam tumah an awm hriat a ni lo a, amaherawh chu hun remchanga indawrna nei leh turin an ti a ni.

STDC hruaitu ten Inrinni zinga kawng an en hi Serchhip damdawi In sawnchhuahna tura ruahman, Lawibual panna kawng a ni a, helai hmun hi tihzauh theih a nih chuan damdawi In hmun tura ruahman hi awlsam taka kal theih a ni dawn a, tunah hian PWD Serchhip Division chuan Lower Chanmari huamchhung kawngpui te chu black top hna an thawk mek bawk a. Ser-chhip Chanmari Veng-a DIET Office a\angin Boulder phah hna hi thawkin tunah hian Zenmual Tuikhur bul thlengin Boulder phah hna hi thawh a ni tawh a, Fur ruahtui tlak hmain hna zawh hman ngei tuma \an lak mek a ni.