Latest News

CADC-ah BJP kaihhruai sawrkar thar lalut dawn BJP in sawrkar thar ding tur lawmna an nei

Chakma Autonomous District Council (CADC) inthlanna neih zawh a nih hnuah Vawiin hian BJP kaihhruai United Legislature Party (ULP) sawrkar chu lakluh a ni dawn.
BJP Mizoram State hruaitute chuan CADC-a Sawrkarna an siam tur chungchang hi thuthar thehdarhtute hmaah sawifiahin CADC \um 10-na inthlan neih zawh takah, party mala Sawrkarna siam thei an awm loh avanga party hrang hrang an indawr kual hnuah BJP kaihhruai, United Legislature Party (ULP) a piang dawn ta tih an sawi a. Chief Executive Member atana ULP-in an thlan Shanti Jiban Chakma chu Vawiin hian Chawngte-a CADC Art & Culture Hall-ah Lawngtlai District Bawrhsap, N. Chakhai chuan CEM atan rinawmna thu tiamtirin a lalut dawn tih an sawi bawk. Thuthar thehdarhtute zawhna chhangin State BJP hruaitute chuan member 5 chauh nei BJP hi United Legislature Party a\anga zawm, Congress party MDC mite hian intiamkamna awm lovin an thlawp dawn tih an sawi bawk.
Hetihlai hian BJP Mizoram Pradesh chuan nimin khan Aizawl-a an Party Office-ah CADC a BJP kaihhruai sawrkar thar ding tur lawmna an nei a. He hunah hian party Genral Secretary, Vanlalhmuaka chuan CADC chungchanga Politics kal dan sawiin, CADC-a BJP kaihhruai sawrkar a ding thei ta chu lawmawm a tih thu a sawi a, Mizoram-ah BJP chu nasa taka a \han thu sawiin, “CADC-ah Zero a\angin MDC panga (5) kan nei chho a. Hei hi BJP tan hmasawnna ropui tak a ni. Party \henkhat ten BJP chu hlauh tur tiin inzirtir \hin mahse, MNF party chuan NEDA kaltlangin BJP thawhpui dan an dap a, chutiang zelin Pu Lal Thanhawla kaihhruai Congress party pawhin BJP chu hlauh tur dik tak ti mah se, CADC-ah BJP te chu sawrkar tir a duh tlatna leh a thlawp tlatna hian Pu Modi-a sawrkar leh BJP chu thawhpui tlak leh Zoram mamawh sawrkar leh party a ni tih tichiangtu a ni,” a ti a. Mizoram hian Development kan mamawh tlat avangin BJP chu kum 2018 Election-ah sawrkarna chelh tir ngei tur a nih thu a sawi bawk.
He hunah hian BJP  State Vice President, Judy Zohmingliani pawhin CADC chu Party dangin kum tam tak an lo hruai tawh thu sawiin, sum siamna ang lekin Party dang te hian an ngai nia a lan thu sawi a, tunah pawh eirukna lian tak buai awm chu pawi a tih thu sawiin, hmasawnna tak tak a awm lo mai nilo in, Alkatra Burel in ala thleng pha lo tlat mai hmuh chuan rilru a tih nat thu a sawi a, chuvangin CADC-a BJP kaihhruai Sawrkar thar chuan hmasawnna dik leh mipui mamawh tak tak a thlen tur thu a sawi bawk.

Comments

Popular News (Last 30 Days)