Tunhnaia Bairabi Zophai-a Journalist te kutthlak an nih chungchanga lungawilohna an neih te thuneitu sang hnena MJA in an thlen bawhzui saktu Mizoram MP te chungah MJA chuan lawmthu an sawi.
MJA in thuchhuah siama an tarlan danin March ni 8 leh ni 10, 2018-a Bairabi Zophai-a Mizoram Journalist 8 ten Assam Police te kut an tawrh vang khan MJA chuan a \ul anga hma la nghalin Mizoram Journalist 8 ten Assam Police te kut an tawrh dan hi thlalak nen kimchanga taka tarlangin Prime Minister of India, Union Home Minister, Union Minister for Information & Broadcasting, Union Minister for DoNER, Chief Minister of Assam, National Human Rights Commission, National Commission for Women, Press Council of India ah te an thlen thu an tarlang a. Heng lehkha pawimawh tak takte te hi Rajya Sabha MP, Ronald Sapa Tlau chuan amah ngei kalin a pek sak bakah \awngkam in a sawi nghal a, he hmalakna hian rah a rawn chhuah \an nghalin, National Human Rights Commission chuan Assam leh Mizoram Director General of Police te chu kar li (4) chhunga thil thlen dan report thehlut tura a tih thu leh rahchhuah dang pawh hmuh zel an beisei thu an sawi.
Hei bakah hian Mizoram Lok Sabha MP, CL. Ruala chuan Mizoram Journalist ten Assam Police te kut an tawrh chungchang hi Supreme Court Advocate lar tak Dr. Anish Agarwal chu lo sawipuiin, Dr. Anish Agarwal hian Assam Police kut tuar Mizoram Journalist ten zangnadawmna an hmuh ngei theih nan a \ulna apiangah theihtawp chhuahpui a inhuam thu MJA pawh a rawn hrilh tih tarlangin thlamuanthlak an tih thu leh Lok Sabha MP chungah pawh an lawm thu an tarlang bawk.
Comments
Post a Comment