CM hovin Mizoram State Biodiversity Board \hukhawm

Mizoram State Biodiversity Board chu nimin khan an Chairman, Chief Minister Lal Thanhawla hovin CM's Cabinet Meeting Room-ah an \hu-khawm.

Mizoram State Biodiversity Board \hut-khawm ah hian Chief Minister chuan Biodiversity lam ngaihven leh tui tak tak mipui zinga an awm thar zel chu lawmawm a tih thu a sawi a. Mizoram chu Biodiversity hotspot niin, heng hausaknate hi hun rei tak hriatchian leh hriatthiam loh avanga ngaihthah a lo hlawh tawh hnu in harh thar a, humhalh tura mimal leh pawl anga penchhuak an awm zel chu lawmawm a tih thu a sawi. Chief Minister chuan Biodiversity chuan thing leh mau leh nungcha mai piah lamah buh leh bal, thei leh thlai leh ranvulh thlenga a huam tel thu sawiin, chung avang chuan bio-diversity hausakna humhalh leh, a daihrei thei ang ber a hman \angkai dan ngaihtuah chu ram hmasawnna in a ken tel tur a ni, a ti.

UN General Assembly-in kumtin May ni 22-ah International Day for Biodiversity 2018 hmang tura alo rel tawh angin Mizoram-ah pawh he Ni hman dan tur hi he hunah hian sawiho niin he ni pual hian School, College leh University zirlai tan ‘Biodiversity Run’ buatsaih te, Photography leh Poster Making Competition leh TV-a Live Discussion neih te rel a ni. Kumin International Day for Biodiversity thupui tur chu 'Celebrating 25 Years of Action for Biodiversity' a ni.

National Biodiversity Authority chuan khawtin ah Biodiversity Management Committee (BMC) siam turin State tin te a beisei a. He Committee hian an khua leh a chhehvela thing leh mau leh nungcha awm dan leh awm thar te an chhinchhiah ang. He Committee-te hnathawh senso atan National Biodiversity Authority chuan kum khat atan Rs. 60,000/- \heuh pe \hinin Mi-zoram-a BMC Block 34 tan pek a ni tawh bawk.