MzSRLM Serchhip RD Block huaihawtin Serchhip-ah 'Aajeevikas Diwas (MzSRLM Day)' hman a ni

Mizoram State Rural Livelihood Mission (MzSRLM) Serchhip RD Block huaihawtin Inrinni khan Serchhip-ah 'Aajeevikas Diwas (MzSRLM Day)' hman a ni a, he hun hi Serchhip DRDA Project Director, VL. Remliana, MCS chuan khuallian niin a hmanpui a ni.

Serchhip Auditorium-a Aajeevika Diwas hi Serchhio BDO, Vanlalhmachhuana chuan kaihruaiin khuallian ni a he hun hmanpuitu Serchhip DRDA Project Director, VL. Remliana chuan tunhma lamin Mizoram-ah Self-Help Group (SHG) kalpui ni \hin mah se Bank lamin hlawkna an neih loh avanga an \anpui \hat tawk \hin loh avangin a hlawhtling thei \hinlo tih a sawi a. Amaherawh chu sawrkar in SHG te pawimawhna hriaa kalphung thlakin tunah chuan Village Level, Block Level, District Level, State Level leh National Level thlenga Self-Help Group buaipuitu tur dahin Bank-ah pawh anmahni puitu tur dahin nasa taka hma a lak thu a sawi a. Tunah chuan Self-Help Group te hlawhtlinna leh dinchhuahna chu member te kutah a awm thu leh Bank pawhin pui \ha duhlo mahse taima tak leh tih tak takna nena hma an lak chuan dinchhuahna kawng a awm thu a sawi a. Tunlai khawvel ah mi taima tan lo chuan dinchhuahna a awmloh thu leh kan ram in hausakna hrang hrang neiin heng te hmang \angkaia eizawnna dapchhuaha ngaihtuah chhuah tum a \ul thu a sawi a. Hmasawn tur chuan inthlak danglam ngam a \ul thu leh tihdan hlui paiha tihdan phung \ha zawk leh awlsan zawk hmanga inthlak ngam a \ul thu a sawi bawk. Khuallian hian Serchhip Block huamchhunga Bankers titha bera thlan, MRB Bungtlang Branch Manager, Liansangzuala hnenah chawimawina thuziak a hlan bawk.
He hunah hian Lalhmingchhuangi, BMM Serchhip RD Block chuan an hmalakna hrang hrang tarlangin kum 2013 a\angin Serchhip RD Block-ah Mizoram State Rural Livelihoods Mission (MzNRLM) kalpui a nih thu leh tunah hian Self-Help Group 346 din a nih tawh thu a sawi a, heng SHG te hi Village Organization 25 huam-chhunga awm an nih thu a sawi bawk.
Aajeevika Diwas-ah hian chawhnu lamah Technical Session hun hman niin Serchhip ICDS Project-a CDPO, Vanlalhruaii chuan Social Welfare Department hnuaia hmeichhia te tana ham\hatna awm thei hrang hrang sawiin, Liansangzuala, Manager MRB Bungtlang Branch chuan sum leh pai enkawl dan leh sum khawl pawimawhna te a zirtir a, Dr. Laldawngliana Sailo, CMO Serchhip chuan hriselna kawnga hmeichhia te tana programme ruahman hrang hrangte a sawifiah bawk.
Serchhip- a Aajeevika Diwas pual hian CMO Office, Serchhip chuan Self-Help Group members te tan a thlawna inentirna buatsaihin FK EduTech chuan Self-Help Group members te leh an fate tan Skill Development leh Entrepreneurship chungchang zirtirna neiin Help Desk an hawng bawk a ni.
Aajeevikw Diwas-ah hian Serchhip RD Block huamchhunga Self-Help Group members te, sawrkar Department hotute, tlawm-ngai pawl aiawhte leh thuthar thehdarhtute an tel a, he hun hi Central lamin Observer tura a ruat Lalthlana Chhangte leh Seimin Lien Kipgen te pawhin an telpui bawk a ni.
Aajeevika Diwas hi Gram Swaraj Abhyan (Thingtlang mite tana hmasawnna lamtluanga inrelbawldan \ha zawk zirtirna beihpui) April 14 a\anga May 5 thlenga hman pualin ramchhung a RD Block hrang hrangah hman a ni a, heng hun hmanna ah te hian mahnia dingchhuak tura eizawnna kawhhmuha chher hriamtu ruahmanna DDU-GKY leh RSETI chungchang zawhfiah leh inziahluh nghal theihna Kaushal Panjee registration counter te buatsaih a ni a. Mudra Loan leh Bank hnuaia ham\hatna hrang hrang dil theihna form te pawh sem chhuah a ni bawk.

Popular News

PAN CARD an tih teh fo hi - Laldinpuia