KṬP Member ten thisen pe

Serchhip Chanmari Vengthar Branch KṬP te chuan nimin khan Serchhip Blood Bank-a dah turin thisen an pe.

Kumin a Serchhip Pastor Bial Kristian Ṭhalai Pawl (KṬP) inkhawmpui chuan ‘District Hospital, Serchhip-ah Bial KṬP hmingin thisen pek ni rawh se’ tia relin he an thurel bawhzuia tih hlawhtlinna atan hian Association for Voluntary Blood Donation (AVBD) Serchhip Branch te nen ruahmanna siamin an Bial huamchhunga KṬP Branch hrang hrangte thisen pek hun tur hi ruahman a ni a. He ruahmanna bawhzui hian nimin khan Serchhip Chanmari Vengthar Branch KṬP te hian Blood Bank-a dah turin thisen hi an pe a ni. AVBD Serchhip Branch nen ruahmanna an siam angin hetiang hian an Bial huamchhunga KṬP Branch hrang hrang ten May thla thleng hian a inchhawkin thisen hi an pe dawn a ni.