Polling Party 168 te chhuak

Naktuk-a Mizoram Lok Sabha Inthlanpui neih tura hmun hla zuala Duty tur Polling Party te chuan nimin khan an Duty-na tur hmun an pan tan a, Polling Party nawlpui te chuan Vawiin hian an Duty-na tur hmun an pan dawn a ni.

Nimin a Polling Party chhuak te hi District pathum-a mi te niin Polling party 168 te chuan Inthlanna atana hman tur bungrua te nen an Duty-na tur hmun hi an pan a, nimin-a Polling Party kalchhuak te hi Mamit District atangin Hachhek Bial-a Duty tur Polling Party 9, Dampa Bial-a Duty tur Polling Party 20 leh Mamit Bial-a Duty tur Polling Party 10, an vaiin Polling Party 39 an ni a. Mamit District-ah hian ke-a kal ngai khaw 4 leh Lawng a kal ngai khaw 2 a awm a, heng bakah hian Sotapa khua chu khaw chin azira ke-a kal ngai tur, ruahsur leh sur lova innghat a ni. 

Lunglei-ah pawh nimin khan hmun hla zuala Duty tur Polling Party 13 te an chhuak bawk a, heng te hi Thorang Bial-a Polling Party 7 leh West Tuipui Bial-a Polling Party 6 te an ni a. Lawng-tlai District-ah pawh hmun hla zuala Duty tur Polling Party 116 te chuan an Duty-na tur hmun an pan bawk a, nimin a chhuak te hi Tuichawng Bial-a Duty tur Polling Party zawng zawng an vaiin 70 te, Lawngtlai West Bial-a Duty tur Polling Party 32 leh Lawngtlai East Bial-a Duty tur Polling Party 14 te an ni.