Serchhip leh a chhehvela Fisheries Department leh Sericulture Department hmalakna te Minister in a tlawh

Fisheries Department leh Sericulture Department changtu Minister, Vanlalawmpuii Chawngthu chuan nimin khan Serchhip khaw chhehvela Sericulture leh Fisheries Department hmalakna hrang hrangte a tlawh kual a. Minister hi Fisheries Secretary, Thlamuana leh Serchhip-a Department hotu ten an \awiawm a ni.

Fisheries Minister hian New Serchhip-a Community Fish pond thar tlawhin he dilah hian Sangha chi engemawz at a chhuah a. He dil hi National Fisheries Development Board sum hmanga mi harsa zawk chhungkaw engemaw zat in\awm tura Department in a siam sak niin New Serchhip-a Fishermen Welfare sum hmanga chenna In sak thar pawh a tlawh bawk. He mi hnu hian Serchhip Zawlpui phai-a Saphranga leh Siampuia ten Integrated Sericulture Development Project hnuaia \anpuina sum pek hmanga Pangang an khawina hmun tlawhin hemi hnu hian KC. Lalngaihzuala Pangang vulhna hmun a tlawh bawk.

Heng bakah hian Minister hian Zawlpui phai-a Lalhmunsanga Sangha dil leh a dil hmuna Sangha note tharchhuahna hmun tur buatsaih mek Article 275(1) hnuaia sak mek bakah Ramliana sangha dil leh Hmangaihthanga te Sangha dil hmun a tlawh leh bawk a. Mat lui kama Hmangaihthanga rama Community Fish Pond, chhungkaw pasarih te in\awm tura National Fisheries Development Board sum hmanga dil lian tak laih thar chu a tlawh bawk a ni. Heng Fisheries Department ten hma an lakna an neih hrang hrang hi NFBD te, RKVY te, Blue Revolution Programme te leh Article 275 (1) a\angte a hnathawh niin, Mat phaia Sangha dil nei lian zual te hian kum khatah Sangha 80 qtls te an tharchhuak thei tawh a ni.

Heng hmalakna hrang hrang a tlawhna ah hian Minister, Vanlalawmpuii chuan kut hnathawktu taima, rim taka hnathawk \hin tam tak hmuh tur an awm \hin chu lawmawm a tih thu sawiin, hlawhtling zel turin duhsakna a hlan a. Mi taima, \anpui tlak te chu Department pawhin a umzui zel tur thu sawiin, a kum tela Sangha leh Silk thar chhuah pung thei se a duh takzet tih a sawi a. Sangha note thar-chhuah chu Mizoramin a mamawhna a san avangin hlawhtling ngei tura lo bei turin Department hotute leh a dil neitute chu a ngen a ni. Fisheries Secretary pawhin kuthnathawktute chu hlawhtling ngei tura bei tura ngenin, mi taima, \anpuina leh therhlo um ringawt nilo. Theihtawp chhuah tak tak te chu dawmkanna kawng zawn zel a inhuam thu a sawi bawk.