Polling Official 3rd Randomization nei dawn

Tunkar Zirtawpni-a Mizoram Lok Sabha Inthlanpui neih tur atana Serchhip District-a Polling Official 3rd Randomization chu Vawiin hian neih a ni dawn.
Lok Sabha Inthlanpui neih tur atan hian Polling Official turin mi engemaw zat ruat niin heng te atang hian 1st Randomization-ah Duty-a chhuak turte thlanchhuah an ni a, heng te hi an hnathawh dan turte zirtir an nih hnuah 2nd Randomization nei lehin an Duty-na tur Constituency bakah Polling party pakhat a awm tur Presiding Officer (PRO) leh Asst. Presiding Officer (APRO) pakhat ve ve bakah Polling Officer tur mi pahnih zel te thlanchhuah leh an ni a. Heng te atang hian Vawiin-a 3rd Randomization-ah hian an kalna tur Polling Station chu khawl hmanga thliar a ni leh dawn a ni.

Polling Station hrang hranga Duty turte thlanchhuah an nih hnuah hian thlaveng (reserved) a awm tur pawh hriat theih a ni tawh dawn a, Polling Party chhuak turte hi inthlanna atana an hman tur lehkha pawimawh te pechhuakin naktuk lamah Vote thlakna khawl pek leh an ni anga, hemi hnu hian an Duty-na tur hmun Polling Station an pan nghal tawh dawn a ni. Serchhip District-ah hian ni khat-a thlen hman lohna Polling Station a awm loh avangin Polling Party te hi naktuk-ah an chhuak kim vek thei dawn a, District thenkhat-a hmun hla zuala duty turte chuan Vawiin hian an Duty-na tur an pan tan dawn a ni.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result