Wednesday, 11 April 2018

PRISM Party in an Candidate tur mi 10 an puangchhuak

PRISM Party chuan kumin a MLA Inthlanpui lo awm tura candidate tur mi 10 te chu nizan khan an puang.
Kumin a MLA inthlanpui lo awm tura PRISM Party Candidate tur puanna inkhawm hi Aizawl-a Ignite Studio-ah neih a ni a, he hun hi PRISM Vice President, K. Tlanthanga chuan a kaihruai a. Sr. Vice President Dr. H Lallung-muana’n candidate 10 te hi a puang a. Candidate puan paha thu sawiin, “Nehemia’n zana mi hriat loh laia Jerulem kulh chhe lai leh a siam\hat dan tur a zir angin PRISM hian kum 11 chhung Mizoram chhe lai leh a siam\hat dan tur zirin a zirchhuak vek tawh a. Jerusalem kulh chhia siam-\hat ngaihna awm tawh lova ngaia beidawng te kulh siam\ha tura a ko angin PRISM hian kan ram siam\ha turin mipui kan au che u a. Sanbalata te, Tobia te anga beidawnga indawmkun lova, mipui huaisen te anga inthingharha lo pen chhuak turin kan ngen che u a ni,” a ti.
Nizan-a PRISM in kumin MLA inthlana an Candidate tur an puan te hi B. Vanlalhruaia S/o |hakunga, Chawnpui, Aizawl (Zo Sports dintu) te; C. Vanlalhruaitluanga S/o K. Pazawna, Chanmari Lunglei (Lunglei Award dawng tawh) te; Eddy Zosangliana Colney s/o Laltlanmawia, Chanmari Aizawl, PRISM General Secretary ni mek te; Lalrinzuala Chawngthu s/o CR. Lalzarliana, Nursery Veng Aizawl, Aizawl-a Local Council Chairman naupang ber ni tawh te; RL. Liantluanga s/o R. Rongenga, Bawng-kawn Aizawl, Tuichangral North Zirlai Pawl hruaitu ni \hin te; SL. Ngursailova s/o Lalsangzuala Sailo, Tanhril te; TBC. Lalvenchhunga s/o TBC. Lalthangliana, Champhai Vengthlang te; Zodin-sanga s/o Lalchhuana, Chanmari Aizawl te, RC. Rohmingthanga s/o Chuhthanga, Tuirial leh Van-lalruata s/o Upa PC. Lianthanga, Maubawk, tuna PRISM Party-a President ni mek, khawvel huapa emerging leader \ha mi 100 thlanchhuahna ‘100 Heroes Project’-a lang te an ni.

Latest News

PRISM Party in Counter Affidavit an file thu an sawi

PRISM Party chuan MLA inthlana din tuma Nomination File mi 28 lakah Counter Affidavit File a nih thu an sawi.