Minister hovin Smart Water Solutions Conference nei

Public Health Engineering (PHE) Department buatsaih ‘Smart Water Solutions Conference’ chu nimin khan Aizawl-a Assembly Annexe Conference Hall-ah neih a ni a, he hun hi PHE Minister, Zodintluanga chuan hmanpuiin mobile app thar ‘PHE Smart Water’ chu a tlangzarh bawk.

He hunah hian PHE Minister, Zodintluanga chuan khawvel \hang zelah technology hmang \angkai apiangin hma an sawn chak tih sawiin, India ram-chhunga hmun kilkhawr tak taka sawrkar scheme kalpui te chu technology hmangin khawpui zawk a\angin an vil tawh thu leh Technology \han ruala ke pen kan ngai tih a sawi a. PHED rua-hman app thar, ‘PHE Smart Water’ chu technology hmanga mipuite tan awlsamna thlentu a nih thu sawiin, ruahmanna lawmawm tak a nih thu a sawi bawk.

Mizoram hian tui chungchangah harsatna tam tak kan nei a, |hal lai phei chuan Tui supply duhthusamin kan dawng lova, mi tam zawk chuan Tui an lei chawp \hin a. Kan tuihna te hi humhalhna a awm mumal loh avangin Fur lai tih lovah chuan kan lui tuite a kam nasa a, tun aia awmze nei zawka tui renchem dan tur leh tuihna humhalhna kawnga hmasawn dan turte he Conference-ah hian sawiho a ni a. ‘Tuihna humhalh ah mipuiten mawh an phur’ tih thupui hmangin YMA (Mover) leh MJA (Opposer) ten debate neiin thusawi hrang hrang ngaihthlak a ni bawk.

Nimin a tlangzarh tak Mobile app thar ‘PHE Smart Water’ hi mipuiten awlsam taka tui connection chungchang an hriat zung zung theihna atana ruahman niin Integrity Solutions siam a ni a. Aizawla tui connection 50,000 chuang hman tur niin district dangah pawh hman theih thuai a ni dawn a. He app hmang hian Bill zat en leh pek te, Bill pek loh inhriattirna te, Tui haw hun tur inhriattir te, Bill complain leh Tui Bill chungchanga hriattur pawimawh te inhrilhhriat theih a ni dawn a. Google Playstore a\anga download theih a ni ang.