END in sawrkar-ah chiah vbc. 2 chuang chhunglut

Mizoram sawrkar-a Excise & Narcotics Department chuan sawrkar kum kalta, April 1, 2023 atang March 31, 2024 inkar chhung khan Zu leh kaihhnawih thildang hrang hrang atangin Chhiah Rs. 2,55,55,304/- zet an hmu.

Excise & Narcotics Department hian kum kalta chhung khan Chhiah hmuh tura beisei (target) cheng nuai 180 neiin Foreign Liquor & Spirit atangin Rs. 2,03,04,414/- an hmu a, Fines & Confiscation atanga Rs. 48,02,990/- an hmuh bakah thildang atangin Rs. 4,47,900/- an hmu bawk a, an chhiah hmuh zawng zawng hi Rs. 2,55,55,304/- a tling a ni.

END hian nikum chhung khan Rakzu litre 76,986 zet manin Zu bilhlai tin 167,772 an man bakah Dawidim (Yeast) kg. 375.495 an man a, Sapzu um puitling 19,678; a chanve um 3269 leh 180 chi um 6450 an man a, Beer um 122 leh can 23,414 manin rampawn atanga lakluh zu um 459 leh Beer um 5 bakah Canned Beer 21841 an man a, rampawn atanga lakluh Wine um 149 manin BEDC litre 2692.9 leh Fruit wine litre 856.1 an man a, Zu siamna bel 452 manin heng kaihhnawih ah hian lirthei ke pahnih nei 104; ke 3 nei 14; LMV 131; MMV 8 leh HMV 11 an man a. MLP Act, 2019 hnuaia thubuai 6404 ziahluh niin mi 5712 man an awm a, ME Act, 1973 hnuaiah thubuai 449 ziaklutin mi 451 man an ni bawk.

Nikum chhung vek khan Excise & Narcotics Department hian Heroin kg. 84.859 zet manin Ganja pawh kg. 556.269 an man bakah Opium kg. 0.066 an man a. Methamphetamine kg. 206.142 an man bakah Pseudoephedrine pawh kg. 5.943 an man a, Cannabis plant kung 568, Nitrazepam kg. 0.048, Alprazolam kg. 0.671, Codeine Based Cough Syrup kg. 751.73 bakah Tramadol, Pregabalin, Lorazepam leh Buprenorphene te an man bawk a. Heng Ruihhlo leh a kaihhnawih ah hian NDPS Act. 1985 hnuaiah thubuai 656 ziahluh niin mi 968 an man bakah heng Zu leh ruihhlo kaihhnawih ah hian ramdang mi 73 man an awm bawk a ni.