Serchhip District-ah tluang taka Vote thlak a ni
Nimin a Lok Sabha Inthlanpui-ah hian Serchhip District chhunga Polling Station hrang hrangah zing dar 7:00 atangin Vote thlak tan a ni a, harsatna liantham tawk lovin tluang takin Vote hi thlak a ni a, hriat theih chinah Serchhip District-ah hian Vote 32,021 a tla a, Vote nei zat atanga chhutin za zela 59.08 a tling a ni. 28-Serchhip-ah Vote za zela 59.27% tlain 27-Tuikum ah 61.37% leh 28-Hrangturzo ah 56.54% a tla bawk a, hei hi la pung leh hlek tura ngaih a ni.
Serchhip District chhunga Polling Station 88 zingah za zela chhutin 31-Vanchengte Polling Station ah vote tla tha berin za zela 80 a tla a, 12-Buhkangkawn Polling Station chuan dawtin za zela 79.05% a tla a ni. E.Lungdar-I ah Vote tla tlem berin 43.22% a tla tlem ber a, N. Vanlaiphai-IV in dawtin 46.19% a tla bawk a. Mipa Vote thlak upa ber chu R. Siamliana, E. Lungdar-II leh V. Rokhuma, Keitum-II niin kum 95 ve ve an ni a, Hmeichhia a upa ber chu Thangliani (94), Baktawng-II a ni.
Nimin tlai-a Vote thlak hun zawh veleh Polling Party te hian District Election Office a Receiving Counter an pan nghal a, chinfel ngai ang ang te chinfel a nih hnuah Strong Room-ah dahin uluk taka ven zui a ni dawn a ni.
Comments
Post a Comment