HSLC result tihchhuah ah zirlai 76.65% in an pass; Serchhip-a zirna In hrang hrang ten an ti\ha thawkhat

Kum 2018 HSLC Result chu nimin khan Mizoram Board of School Education (MBSE), Aizawl chuan a tichhuak a, Mizoram pumah Exam beitu zingah za zela 76.65 in hlawhtlinna an chang a. Serchhip-a Zirna In hrang hrangte pawhin kumin hian an ti\ha thawkhat niin a lang.

Mizoram Board of School Education (MBSE) in nimin a HSLC Exam result a tihchhhuah ah hian Top-10 ah mi 16 langin a pumpuiah Lalremsiama Darchun S/o Vanlalpeka St.Pauls Higher Secondary School, Aizawl leh Royal Philem S/o Philem Opendro Singh, Mt.Carmel School, Aizawl te chuan mark 500 ah 477 hmuin pakhatna an ni. Nikum 2017-ah HSLC Exam beitu zirlai 72.17% an pass laiin kumin hian 76.65% in an pass thung ani. Kumin hian HSLC exam tura inziaklut zawng zawng 18,335 zingah 17,695 an exam a, mi 13,563 pass in, failed 3787 an awm a. Exam tura inziaklutah mi 640 in exam an pe lo a, Compartmental Chance nei zirlai 345 an awm a ni. Kumin a hlawhtlinna chang 17,695 zingah hian Distinction-ah mi 1,068 an pass a, First Division-ah mi 3,725, Second Division-ah 5,107, Third Division-ah 3,663 an awm bawk a. Mizoram pumah Pass vek School 105 an awm laiin failed vek School 15 an awm thung a ni.

Compartmental chance la nei zirlai 345 te tana exam hun tur hi MBSE chuan a ruahman fel nghal a, Exam beitu turte chuan May 18, 2018 thleng Passport Size copy 2 leh Exam fee nen Centre Superintendent hnenah dilna a thehluh theih dawn a, June 21, 2018-ah Mizoram-a Centre 8 ruahman fel sa-ah Exam neih leh tur a ni dawn a, Exam Centre zingah hian Govt. High School, Serchhip pawh a tel a ni.

District pariat zingah Siaha District a\anga Regular candidate te an pass percentage a sang berin Lawngtlai District  a\anga exam te pass percentage chu a hniam ber a, Aizawl District a\angin Regular-ah zirlai 83.03% leh Private in 42.28% in an pass a, Champhai District-ah Regular 77.48% leh  Private 61.9% ten pass in, Kolasib District-ah  Regular 68.99% leh Private 90.91%, Lawngtlai District-ah Regular 58.15% leh Private 43.75% ten pass in Lunglei District-ah Regular 69.72% leh Private 70% in an pass a, Mamit District-ah Regular 66.44% leh  Private 60%, Saiha District-ah Regular 86% leh Private 66.67% pass in Serchhip District-ah Regular 85.42% leh Private 50% ten an pass bawk.

Tun \uma HSLC result chhuak ah hian Government School a\anga Exam zingah 72.07 % ten an pass laiin Deficit Schools 92.55%, Aided Schools 73.25%, Lumpsum Schools 81.46%, Private Schools 79.91% leh Private 51.98%  ten an pass a ni.