Health Minister in Central YMA hruaitute kawm

Health Minister, Lal Thanzara chuan nimin khan a Pisa-ah Central YMA hruaitute kawmin mumal zawka damdawi zawrh a nih theih dan tur an sawiho.
He inkawmna ah hian Central YMA hruaitute chuan damdawi dawrte chu sumdawnna pangngai anga kalpui an nih \hin thu leh damdawi dawr nghaktute pawh an damdawi hralhte hre chiang lovin hetiang lama mithiam an nih ngai loh thu Minister hnenah chuan an thlen a. Hei hian kawng tam takah sualna a tipung nia sawiin, mithiam pangngaiin dawr an nghak a nih chuan zirlai naupang thlengin damdawi hmang sual pawh a tihtlem tur thu an tarlang a. Damdawi dawr license neitu dik takin dawr hawng lova mi hrang hrangin an hawh chhawng nasa lutuk tih ziaaawm a nih theih nan \an lak a ngaih thu leh license pek a nih hnua license hman dan dik taka hman a ni nge nilo enzui turin Drugs Inspector-te an phut thu an sawi bawk.
He hunah hian Health Minister chuan Drug License endik kawngah theihtawp chhuah a nih tur thu sawiin, Central YMA hruaitute thu thlen bawhzuina atan Central YMA hruaitute, Drugs Inspector-te leh Mizoram Chemist & Druggist Association hruaitute nen inkawmna hun neih a nih tur thu a sawi a. Central YMA hmalakna te theihtawpa thlawp a tum thu a sawi bawk.

Popular News

PAN CARD an tih teh fo hi - Laldinpuia