MJS lak thar Training nei mek ten Chief Minister an kawm

Mizoram Judicial Service (MJS) trainee-te chuan nimin khan Chief Minister, Lal Thanhawla chu CM's Cabinet Meeting Room-ah an hmu.
MJS Trainee ten Chief Minister an hmuhna ah hian Chief Minister chuan MJS Trainee-te chu Judicial Service mi an nih angin hna an thawh zelna turah dikna ngaihpawimawh a huaisen taka thawk zel turin a chah a. Thufingin 'Justice delayed is justice denied' a tih angin, khawtlang \hat zawkna atan Court Case tihkhawmuan loh hram a pawimawh thu sawiin, Judiciary a \hat chuan ram a zahawm a, khawtlang pawhin a \hat phah a ni, a ti.
Chief Minister chuan Democracy innghahna ban pathum - Legislative, Executive leh Judiciary te chu thawkho tur an nih thu te tarlangin, sualna leh hlemhletna do kawnga ramin hma a sawn leh zual a, mipuiin an chanpual dikna an hmuh theih nan Judiciary chu thuam\hat a pawimawh thu a sawi a. Mizoram-ah pawh sawrkarah sum indaihlohna awm mahse chak zawka Judiciary a kal theih nan mamawhna avanga recruitment tih belh dan ngaihtuah zel a nih tur thu a sawi.
Tuna MJS trainee-te hi nikum kumtawp lama MPSC in a lak niin, an vaiin mi 16 an ni a. December thla laihawl a\ang khan training nei \anin, North East Judicial Officers' Training Institute (NEJOTI) & Judicial Academy, Assam-ah kumin January a\ang khan thla thum (3) training an neih hnuin Mizoram-a District Court-ah te Field Training an nei mek a. MJS inkaihhruaina angin Judicial Officers 16 zinga mi 10 chuan kum nga (5) chin service an luh hmaa an lo practice tawh avangin June thla laihawl hian training an zo dawn a, midang 6 te chu kum khat training tur niin kumin December hian training an zo ang. May ni 13, 2018 hian Trainee te hian NEJOTI-ah training chhunzawm turin Guwahati an pan leh ang a, Delhi Court-ah te Court kalphung an zirchiang dawn bawk a ni.

Popular posts from this blog

PAN CARD an tih teh fo hi - Laldinpuia