Tuesday, 8 May 2018

Mizoram Solar Power Policy leh Solar Rooftop Systems chungchang zirhona neih a ni

Mizoram sawrkara Secretary leh Head of Department te pualin nimin khan Assembly Annex Conference Hall-ah 'Awareness Proramme on Solar Power Policy of Mizoram & Grid Connected Solar Rooftop Systems' neih a ni.
He Awareness Programme hi Power & Electricity Minister, R. Lalzirliana chuan khuallian nia hmanpuiin Mizoram-ah lui tui chakna hmangin sawrkar hmalakna in kawlphetha siam ni mahse Mizoram in kawlphetha khamkhawp a la hmuh loh thu a sawi a. "Sawrkarin kawlphetha intodelh ni turin theihtawp chhuah mekin Tlawva lui-ah leh Kawlbem-ah te Hydel Project siam mek a ni a. Tuirini-ah pawh Hydel Project siam turin sawrkarin chak takin hma a la mek bawk a ni. Heng kan hmalak mekna leh Hydel Power Unit 8 state sawrkar anga kan enkawl mek a\anga kawlphetha kan siam theih zat hi ruahtui leh tuihna tam danah a innghah leh zel a vangin nizung chakna hmanga kawlphetha a tam thei ang ber siam chhuah hi sawrkarin a dah pawimawh em em a ni," a ti.
Power Minister chuan Nizung chakna senga kawlphetha siamchhuah chu Mizoram tan thil thar a ni lo tih sawiin, hmalakna tam tak a lo awm tawh te chu Department te leh Company rintlaklo te thawhhona avangin sum tam tak khawhralna ah a chang a. Tunah pawh sawrkarin Mizoram Solar Power Policy 2017 hi tihpuitlin duh a takzet a. A hlawhtinna turin department ten Nodal Agency atana sawrkarin a thlan, Zoram Energy Development Agency (ZEDA) an thawhpui ngei a pawimawh hle dawn a ni, a ti bawk.
Mizoram sawrkar Solar Policy chuan nizung chakna hmanga kawlphetha siamchhuah kawnga a hmalakna ah Sawrkar laipui hmalakna a\anga \anpuina sum awm thei te hman \angkai a tum a. Mizoram Sawrkar Solar Power Policy thiltum lian deuh deuh te chu nizung chakna hmanga a tam thei ang ber kawlphetha siam leh hman intihhmuh te, Grid Connected Solar leh Off-Grid Solar System hman intihhmuh te, Nizung chakna hmanga kawlphetha siam hmanga sumdawnna intihhmuh leh Power siam sumdawnna atan hman intihhmuh te leh sawrkar department Office zawng zawngte chu loh theihlohin an Office chunga Rooftop Solar Power Unit siamtir te a ni.
National Institute of Solar Energy (NISE) chhutdan chuan Mizoram-ah Solar Energy MWp 9090 a siam theih beisei a ni a. Kum 2022 alo thlen huna Mizoram in Solar Energy siam tur a tana tuk sak chu MWp 80 a ni a; hei hian Rooftop System a\anga siam te pawh a huam ang. Tun dinhmunah Mizoram sawrkar chuan Solar Power Rooftop system kWp 3555 chu ZEDA kaltlanga pek chhuah theih in a peihfel tawh a. Heng zinga kWp 555 chu sawrkar Office building te atan a ni a, kWp 3000 chu mimal anga lei theih a ni thung a ni. 

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...