Sports Incentive Cash Award sem

Sports Minister, Zodintluanga chuan nimin khan Mizoram infiammi, rampawn leh ram chhunga medal la te hnenah Incentive Cash Award a sem.

Incentive Cash Award semna hun Lal Than-hawla Auditorium, Aizawl-a neih ah hian Sports Minister chuan khawvel hmun hrang hrangah Mizo infiammite kalin tun \umah pawh Taekwondo Team ah Mizo tam tak an kal leh dawn a, Youth Olympics-ah pawh Mizo an tel ve leh ngei a beiseiawm tih a sawi a. Sports discipline hrang hrangah Mizote chu India hmahruaitu niin Football-ah phei chuan India rama club \ha ten Mizo tlangvalte tellovin an khel thei tawhlo niin a sawi a. Infiamna lama India ram kan hneh thei ang chiah hian inpekna tak tak nen chuan zirna lamah pawh Mizote hi midang aiin kan chungnung thei, tiin \halaite chu a fuih bawk.

Sports Minister chuan Mizoram infiammi te chu State pawnah ram ti hmel mawitu, palai (ambassador) \ha tak an nih laiin a entu mipui lam atanga buaina kan tawk \hin chu pawi a tih thu a sawi a, Mizoram ti hmingchhetu ni lo tura fimkhur turin a chah bawk.

Mizoram-ah Sports Incentive Cash Award hi kum 2001-2002 khan sem \an a ni a. Hemi \um hian Boxer Jenny R. Lalremliani chauhin a dawng a.  Kum 2001-2016 thleng khan mi 4423 hnenah Rs. 35,85,52,300/- sem a ni tawh a. Tun \umah hian kum 2016-2018 chhung atan mi 890 hnenah Rs. 1,73,00,000 sem a ni. 

Kum 2016-2017 chhungin Incentive Cash Award dawng thei mi 373 awmin chung zingah chuan Aizawl District an tam ber a, mi 307 an dawng a. Kum 2017-18 ah Incentive Cash Award dawng thei mi 521 awmin, heng zinga mi 412 chu Aizawl District huamchhung infiammite an ni. Kum 2016-17 Award hi Sports discipline 18-ah sem niin 2017-18 hi discipline 19 ah sem a ni thung.