Ruahsur leh a kaihhnawih laka fimkhur turin chah

Khaw awmdan hrilhlawktu ten Mizoram-ah ruahsur, thli leh Tek tla thleng thei nia an sawi avangin Serchhip District mipuite fimkhur tura chah an ni.
Hemi chungchanga nimin-a Serchhip District Bawrhsap in hriattirna a tihchhuah ah India Meteorological Department, Ministry of Earth Sciences, Govt. of India in nimin-a Special bulletin a tihchhuah ah April 17-24, 2024 chhung hian Mizoram hmun hrang hrangah ruahsur, Khawpui ri, Tek tla leh Thli thawk tur angin a sawi lawk a, hei vang hian Serchhip District mipuite fimkhur tura tih an nih bakah inkaihhruaina te zawm tura tih an ni a. Inkaihhruaina siam zingah hian Mahni In leh lo te thli leh ruah a dawl theih nan a tul ang a thawmthat ngai laite thawmthat tur a nih thu te; Tui paihna leh tui luankawr te mumal taka siam tur anih thu te; Ruahsur avanga leimin thei laite hriatchian a fimkhur tur a nih thu leh Tui hmun, lui leh ramhnuai ah te kal loh a that thu te, Ruah vanga eng (power supply) neih loh theih a nih avangin Electric hmang thil te a charge lawk theih apiang charge lawk leh Rikrum thila mamawh tur Torch Light, emergency light, first Aid kit, tui thianghlim leh eitur te lo inrin lawk a that thu bakah Tek tla lakah kan him zawk nan Khawpui ri a lo awma Tek tlak laiin Thingkung leh Electric bante hnaihah awm loh tur a nih thu te tarlan a ni.

Heng bakah hian Chhiatna alo thlenin Serchhip District Emergency Operation Centre Phone No. 9862116104 leh 1077-Toll Free te bakah Zonal Officer te a rang thei ang bera hriattir tur an nih thu a tarlang bawk a ni.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result