Gram Swaraj Abhiyan hnuaiah ramchhung hmundang rualin Serchhip-ah Kissan Kalyan Karyashala neih a ni

Sawrkar laipui Scheme, Gram Swaraj Abhiyan (Village Self-Governance Campaign) peng pakhat, Kissan Kalyan Karyashala (Workshop on Farmers’ Welfare) chu nimin khan ramchhunga RD Block dangte rualin Serchhip-ah pawh neih a ni a, Serchhip BDO, Vanlalhmachhuana chuan khuallian niin a hmanpui a ni.

Serchhip-a District Agriculture Office (DAO) hnuaia Agriculture Technology Management Agency (ATMA) Serchhip buatsaiha BNRGSK Hall, Ser-chhip-a Kisan Kalyan Karyashala hi Serchhip DAO, James Lalsiamliana chuan kaihruaiin khuallian nia he hun hmanpuitu Vanlalhmachhuana, BDO Serchhip RD Block chuan Farmer Workshop neih a nih dan chungchang sawifiahin, he huna Agriculture lama mithiam Expert leh Scientist ten loneitute zirtirna an pe thei tur chu lawmawm a tih thu a sawi a. Ei leh bar tharchhuah zatin ram mipui lo tam chho zel a chawm zawh loh chuan retheihna a tam tual tual \hin tih sawiin, ei leh bar thawkchhuaktute an pawimawh hle a. Hma an sawn zelna tura hmalakna pawh sawrkarin a kalpui nasa em em a ni, a ti. Block Development Office kaltlang a Ni za inhlawhna (MGNRES)-ah Lo leh huan neitu \henkhatte hna thawhsak an nih \hin thu te, lo leh huan thawh tur thlanna ah pawh a ti puitling thei tur ngeite chauh thawhsak an nih theihna turin mipui rorelna, Gram Sabha-ah pawh uluk taka thlang \hin turin kalkhawmte chu a chah a ni.

Nimin-a Kisan Kalyan Karyashala-ah hian Line Department hrang hrang- Agriculture, Horticulture, Sericulture, Fisheries, Soil & Water Conservation leh AH&Vety Department te hnen a\angin an Department hmalakna hrang hrangte ngaihthlak niin C. Lalremruata, BTM, ATMA Sechhip Block hnen a\angin Farmer hlawhtling thlanchhuah te sawm (10) te hlawhtlin dan chanchin ngaihthlak niin heng mi 10 te hnenah hian chawimawina thuziak leh pawisafai Rs. 2000/- \heuh hlan an ni bawk a. K. Laltlanmawia, Agricultute Extension Officer, Serchhip District chuan 'Doubling of Farmer’s Income by 2022' tih thupui hmangin Farmers kalkhawmte zirtirna a pe bawk a. Lalchuansangi, DPD, ATMA Serchhip District in lawmthu sawina neiin hun a khar thung a ni. 

Kisan Kalyan Karyashala pual hian chawhnu lamah AH&Vety Department Dispensary Hall-ah 'Animal Free Clinic Programme' hman zui niin Serchhip khawpui chhunga ranvulhtute tan a thlawna ran entirna neih a ni a, AH&Vety Doctor leh Staff te leh ATMA Staff ten ranvulhtute chu hlawk zawka ran enkawl dan te zirtirin, a\ul angin ran damlo te chu hri danna leh damdawi dang an sem nghal bawk a ni.