MEFCOF Sub-Hqrs. Serchhip General Meeting neih a ni

/
Mizoram Environment & Forest Consultative Forum (MEFCOF) Sub-Hqrs. Serchhip chuan nimin khan Lalpuithanga Hall, Serchhip-ah General Meeting neiin an pawl hruaitu tur thlanna an nei.
Nimin a MEFCOF Sub-Hqrs. Serchhip General Meeting hi MEFCOF General Hqrs. Aizawl President, VL. Bela chuan kaihruaiin MEFCOF General Hqrs. a\angin Secretary, Vanlalsawma leh Joseph Thansanga ten Zo-theihuan pawimawhna leh khawtlangin a hlawk-puina a sawi a. MEFCOF Sub-Hqrs. Serchhip a\angin K.Chawiliana, R. Vanlallawma, R. Sanghmingthanga, Lalzuiliana, V. Tlang\huama leh Zohmangaiha Ralte ten Ramngaw humhalh dante an sawi bawk a ni.
Serchhip District chhungah hian District Bawrhsap pawmpuina in ramngaw leh nungcha humhalhna hmun Zotheihuan 18 din ni tawhin din belh zel tum a ni a. Mizoram chhunga Zothei-huan din tawh zawng zawng chu 130 niin a zau zawng chu 5022 sq.km lai a ni tawh a ni. MEFCOF Sub-Hqrs. Meeting-ah hian Serchhip khaw-tlang hruaitu VC Member, YMA, MUP aiawhte an tel a. Member kalkhawmte chuan Entlang-a Zotheihuan leh Sakhisih Sanctuary chhunga thing leh mau, nungcha te humhim turin theihtawp chhuah nise tiin, Sakhisih ngaw-ah kawng laih avanga thing tam tak tihchhiat a nih thu pawh tarlan a ni bawk.
He hunah hian kum 2018-2020 chhunga MEFCOF Sub-Hqrs. hruaitu tur thlanna chu MJA Serchhip District kaihhruaina in neih a ni a, President-ah Lalzuiliana, Bazar Veng; Sr. Vice President-ah K. Chawiliana, Bazar Veng; Vice President-ah V. Tlang\huama, Bazar Veng; Secretary-ah R. Vanlallawma, Bazar Veng; Jt. Secretary-ah Zomuana Hnamte, Saron Veng leh Thangngaizuala, Chhim Veng; Treasurer-ah Kawl\huama, Venglai leh Fin.Secretary-ah K. Zaithantluanga, Venglai te thlan an ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »