MZP ten Journalist te Thla an hual sak

MZP chuan Bairabi Zophai-a ‘Zofate Chawlhbuk’ sak an tumna a Assam Police in MZP te an tihbuaina a Mizo Journalist hliam tuarte Thla hualna hun nimin khan Aizawl-a MZP Pisa Pui-ah an buatsaih.

He hun hi MZP Vice President, B. Vanlaltana chuan kaihruaiin MZP President, L. Ramdinliana Renthlei chuan Zofate Chawlhbuk sak chungchang ah MZP chu a dinna ngaiah ala din reng thu leh hma an lak chhunzawm zel dawn thu a sawi a. NGO angin an theih ang angin hma la \hin mah se a tawpna chu sawrkar thuneitute an nih thu leh a hlawhtlinna tak tak chu sawrkar a ni zel tih a sawi a. He thil thlenga hliam tuar zawng zawng kha mi 69 an nih thu sawiin, "MZP anga hnatlanga thawkchhuak hliam tuar te kha chu hliam tuar turah kan in ngai a, vuak pawh min vaw tura kan ngai a ni. Kan journalist ten hliam an tuar a, vuak te an tuar ve hi kan hrethiam lo lehzuala, hliam tuarlo tur ten hliam an han tuar hi na kan ti hle," a ti bawk.

He hunah hian MJA President atana thlan thar, Zonunsanga Khiangte pawhin he Issue MZP ten in lak avang hian Swrkar leh Zoram mipuite min kai harh tih sawiin, Zofate Chawlhbuk MZP in sak in tum avang hian Sawrkar laipui kaihhruaina hnuaiah Mizoram Sawrkar leh Assam Sawrkar te inbiain, Sawrkar in dik taka thuthlukna an siam a nih chuan a lawmawm hle ang tih a sawi bawk. He hun hmanna ah hian MZP chuan he buaina a hliam tuar Journalist mi 8 te hnenah Tawlhlohpuan an bah tir a ni.