Lenkawl

Falkawn-a State Referral Hospital-a Mizoram Institute of Medical Education and Research (MIMER) din tur chu Medical Council of India-in a pawmpui tawh tih Chief Minister, Lal Thanhawla chuan a puang.

Serchhip Sub-Hqrs. YMA in a enkawl mek, Serchhip chhimlam-a Sakhisih Sunctuary enkawlna atan DFO Thenzawl chuan nimin khan Sub-Hqrs. YMA hnenah hian Rs. 40,000/- an hlan. Hetihlai hian Serchhip Sub-Hqrs. YMA OB leh SEC mi 10 te chuan Vawiin hian Meeting neiin Sub-Hqrs. YMA hnuaia Committee peng hrang hrang leh hruaitu turte an ngaihtuah ang.

 Sawrkar chuan thuchhuah siamin Serchhip khawpui chhung kawngpui thawm\hat mek chu mipuiten nuam taka kan hman reng theih nan dim hram hram turin Serchhip mipuite a ngen.

Ni hnih (2) awh tur, Indian Road Congress Council Meeting vawi 215-na chu nimin tlai khan Mizoram University-ah \an a ni.

Mizoram State Rural Livelihoods Mission (MzSRLM) huaihawtin sawrkar laipui hmalakna programme - Gram Swaraj Abhya hnuaiah Aajeevika Evam Kaushal Vikas Mela chu nimin khan Aizawl-a Lal Thanhawla Auditorium-ah neih a ni a, Rural Development Minister, R. Lalzirliana chuan khuallian niin a hmanpui a ni.

ZNP President, Lalduhoma chuan ZPM Streering Committee in BJP chungchanga thutlukna a siam tak avangin buaina tur engmah a awm tawh lo tih a sawi.

Fisheries Department, Serchhip District chuan Sangha chi intodelh tura beihpui an thlakna kalzelah nimin khan Thenzawl ami, F. Lalrindika chuan ama siam Sangha chi (Common Carp) chu Thenzawl-a a mamawhtute hnenah a hralh chhuak.

Chakma Autonomous District Council (CADC) inthlanna neih zawh a nih hnuah Vawiin hian BJP kaihhruai United Legislature Party (ULP) sawrkar chu lakluh a ni dawn.

Serchhip District Football Association (SDFA) chuan nimin khan General Body Meeting neiin kum 2018-2021 chhunga an hruaitu tur thlanna an nei.

Food, Civil Supply & Consumers Affairs Department chuan thuchhuah siamin Mizoram chhung khaw hrang hrang a 14.2 kgs. a rit eirawng-bawlna Gas man bithliah thar a nih thu a tarlang a. Serchhip-ah chuan Gas bur khat man chu Rs. 780.50 ni tura tih niin Subsidy Rs. 294.06 pek a ni thung anga, Kg. 19-a rit Commercial Cylinder man chu Rs. 1426.50 a ni bawk ang.

Tun thla ni 17 leh 18 khian Serchhip-ah NLUP Kut hman tum a ni a, he Kut hman dan tur hi nimin khan Serchhip District Bawrhsap, Sangchhin Chinzah hovin NLUP Line Department te chuan an sawiho a ni.

Kum 2018 HSLC Result chu nimin khan Mizoram Board of School Education (MBSE), Aizawl chuan a tichhuak a, Mizoram pumah Exam beitu zingah za zela 76.65 in hlawhtlinna an chang a. Serchhip-a Zirna In hrang hrangte pawhin kumin hian an ti\ha thawkhat niin a lang.

Mizoram State Biodiversity Board chu nimin khan an Chairman, Chief Minister Lal Thanhawla hovin CM's Cabinet Meeting Room-ah an \hu-khawm.

Mizoram Agriculture Marketing Solution (MAMSol) chuan kut hnathawktute thlai thar-chhuah chu inthlan kum lo-ah pawh lei zel an tum tih an sawi.

Sawrkar laipui Scheme, Gram Swaraj Abhiyan (Village Self-Governance Campaign) peng pakhat, Kissan Kalyan Karyashala (Workshop on Farmers’ Welfare) chu nimin khan ramchhunga RD Block dangte rualin Serchhip-ah pawh neih a ni a, Serchhip BDO, Vanlalhmachhuana chuan khuallian niin a hmanpui a ni.

Changel a\anga lehkha a siamchhuah a\anga Mizoram Kailawn 2017-a lawmman pakhatna latu, Lalsiamthara, Serchhip chuan Changel a\anga paper an siamchhuah ah YMA nen thawhho dan awm se a duh thu a sawi.

PRISM Party President, Vanlalruata leh a thawhpuite chuan nimin khan Serchhip-ah thuthar thehdarhtute kawmin Serchhip District tana PRISM party hmalak tum dan leh ruahmanna hrang hrangte an sawi a. Mat phai chu intodelhna atana an hmalakna hmunpui pakhat a ni dawn tih an sawi bawk.

Chakma Autonomous District Council-ah pawl pahnih BJP leh Congress \angdun leh MNF in Sawrkar an siam theih thu an thlen avangin sawrkar siam tur hi Floor Test hmanga thlan a ngai dawn nia hriat a ni.

Mizoram Flagship Programme, New Economic Development Policy (NEDP) hnuaia hmalakna pakhat, Mizoram Kailawn, 2018 chungchang inhrilhhriatna chu nimin khan Serchhip DC’s Conference Hall-ah neih a ni.

Serchhip Sub-Hqrs. YMA chuan kum hnih chhunga Sub-Hqrs. Executive Committee (SEC) Member tur mi 10 ruatin Committee peng hrang hranga hruaitu turte ruat leh an ni ang.

Nimin khan Serchhip District Task Force Committee on Beti Bachao Beti Padhao chu an Chairman, Serchhip District Bawrhsap, Sangchhin Chinzah hovin a pisa-ah an \hukhawm.

Chief Minister, Lal Thanhawla chuan nimin khan Aizawl-a CM's Banquet Hall-ah 'World No Tobacco Month' hawngin, hemi rual hian Vaihlo tellohna infiamna khawvel Mizoram-a siam tura hmalakna, 'Tobacco Free Sports Campaign' chu a tlangzarh nghal bawk.

MZP chuan Bairabi Zophai-a ‘Zofate Chawlhbuk’ sak an tumna a Assam Police in MZP te an tihbuaina a Mizo Journalist hliam tuarte Thla hualna hun nimin khan Aizawl-a MZP Pisa Pui-ah an buatsaih.

Mizo \halai UPSC exam pe-a Cash Incentive Award dawng thei tura inziak tling mi 11 te hnenah nimin khan Higher & Technical Education Minister, R. Romawia chuan Cash Incentive Award cheng nuai khat \heuh a hlan.

Nimin khan Serchhip-ah District Level Seminar on Cooperatives neih a ni a, he hun hi Chief Minister, Lal Thanhawla chuan khuallian nia hmanpuiin, Cooperative Society chu Society huapzo tak, tupawh len theihna leh mi harsatna te dawmkangtu pawl pawimawh tak a nih thu a sawi.

Serchhip District Anti-Tobacco Squad te chuan kum 2017-2018 chhung khan Squad Drive \um 72 zet neiin dan Cigarettes and Other Tobacco Products Act (COTPA) bawhchhia mi \hahnem tak an man.

PRISM Party chuan kumin a MLA Inthlanpui lo awm tura candidate tur mi 10 te chu nizan khan an puang.

Chief Minister, Lal Thanhawla chuan man man zawkaSawhthing hralh dan tur ngaihtuah mek a ni a, hun reilote ah puan theih beisei a ni, a ti.

Minister of State, Vanlalawmpuii Chawngthu chuan tunhma te ngaihtuah chuan infiamna khawvel thara cheng ang mai kan ni tawh a ni, a ti.

New Economic Development Programme (NEDP) hnuaia khua leh tui harsa zawk ten chenna In \ha zawk an  neih theih nana hmalakna, Chief Minister's Rural Housing Scheme tlangzarhna chu nimin khan Serchhip-ah neih a ni a, he hun hi Chief Minister, Lal Thanhawla chuan hmanpuiin \anpuina semchhuah nghal a ni.

Serchhip-a Excise & Narcotics Department chuan Inrinni khan Serchhip-a rawn pek tur Ganja \hahnem tak manin a neitute pawh thubuai siam sak nghal an ni.

Serchhip Darnam Branch YMA te chuan an huamchhunga Hmeithai pakhat chenna In sak chu nimin khan hnatlangin an chhunzawm pui.

Ei leh bara Mizoram in hma a sawn theihnan a kawng hrang hranga sawrkar leh mimal leh pawla anga mawhphurhna fawng vuantute intawhkhawmna runpui, Mizoram Economic Conclave chu Mizorama a vawikhatna atan nimin Aizawl-ah neih a ni.

Serchhip Sub-Hqrs. YMA rorelna sang ber dawttu, Sub-Hqrs. Coordination Committee (SCC) \hutkhawm chu nimin khan neih a ni a, tun thla ni 24 leh 25-a Sub-Hqrs. YMA Conference neih tura thil pawimawh hrang hrang an sawiho.

Presbyterian New Serchhip Pastor Bial in 'Presbyterian English School' an din thar chu nimin khan a hawnna leh Pathian hnena hlanna inkhawm neih a ni.

Fisheries Minister, Vanlalawmpuii Chawngthu chuan Mizote chu Social Media kan hman fimkhur a ngaih thu a sawi.

Serchhip MNF East Block hruaitute chuan nimin khan an President, T. Zadingliana hovin Serchhip-a thuthar thehdarhtute kawmin NLUP a Vawk note sem tur supply chungchangah mimal induhsakna uchuak tak a awm nia an hriat thu an sawi.

Nizan Dar 7:30 vel khan Serchhip P&E Veng-a C. Lalkhuma te chenna In chung chu thli in a la a, mihring thi leh hliam erawh an awm lo thung.

Serchhip District Anti-Tobacco Squad leh Serchhip Traffic Police \angkawp chuan Ningani Serchhip khawchhung leh a chhehvelah Joint drive neiin sumdawnna atana hman, a bikin mihring phur chi lirthei hrang hrang ah Dan in a khapna bawhchhiaa Mei zu an awm leh awmloh an enfiah a, heng an enfiahna ah hian Dan bawhchhia mi 7 manin heng mite hi COTPA Act, 2003 Section 4 hmanga manin Dan in a phut angin hmun leh hmunah pawisa chawitir nghal zel an ni.

Nehru Yuva Kendra Sanathan (NYKS) chuan Inrinni khan Serchhip Bazar Branch YMA hnenah State Level Award for Outstanding Youth Club an hlan a, he Award hi Central YMA Office-ah NYKS aiawhin Central YMA President, Vanlalruata chuan a hlan a, Award hian pawisa fai Rs. 1,00,000/- leh Citation a keng a ni.

Serchhip Sub-Hqrs. YMA chuan Ningani khan Executive Committee \hutkhawm neiin thla thar a Conference vawi 6-na an neih tur hrang hrang an sawiho.

Hun engemaw chen Mizoram sawrkar leh HPC (D) ten remna zawnga inbiakna an neih hnuah karleh Thawh\anni khian inremna thuthlung an ziak dawn tih Chief Minister, Lal Thanhawla chuan sawiin, Mizoram sawrkar aiawhin Chief Secretary in hming a ziak ang.

Mizoram-a chenna In nei lo chhungkaw 15,798 te In sakna turin sawrkar chuan cheng nuai 236.97 a dawng dawn.

Tunhnaiah Serchhip-ah Vawk natna, PRRS a leng ngei tih finfiah a ni a, PRRS avang hian Vawi 80 chuang thi tawhin District Magistrate chuan ramdang a\anga Vawk lakluh khapna thupek pawh niminpiah khan a tichhuak nghal bawk.

Mizoram Environment & Forest Consultative Forum (MEFCOF) Sub-Hqrs. Serchhip chuan nimin khan Lalpuithanga Hall, Serchhip-ah General Meeting neiin an pawl hruaitu tur thlanna an nei.

Nimin chawhnu dar 2:00 vel khan Serchhip a\anga Mausen pan 207 Truck chu Thenzawl dai-ah chesualin mi pakhat in nunna a chan a, mi pathum ten hliam an tuar bawk.

Serchhip-a Legal Metrology Department leh Serchhip District Anti Tobacco Squad ṭangkawp chuan nimin khan Serchhip khawchhunga dawr hrang hrangah dan lova Foreign Sikret zawrh dapchhuah hna an thawk

Serchhip-a sumdawng inzawmkhawm, Chamber of Commerce Serchhip chuan nimin khan Assembly neiin an pawl hruaitu tur thlanna an nei.

Serchhip Chanmari Vengthar Branch KṬP te chuan nimin khan Serchhip Blood Bank-a dah turin thisen an pe.

Bialtu MLA leh Chief Minister, Lal Thanhawla chuan Serchhip mipuite hman turin Aurinna hmanrua a lei a, hei hi a duh apiang tana hawh theih turin Serchhip-a I&PR Office-ah dah a ni.

Tunhnaia Bairabi Zophai-a Journalist te kutthlak an nih chungchanga lungawilohna an neih te thuneitu sang hnena MJA in an thlen bawhzui saktu Mizoram MP te chungah MJA chuan lawmthu an sawi.

Serchhip Sub-Hqrs. YMA hruaitute chuan Zirtawpni tlai khan Kei\um leh Khawlailung inkara Tuichang Lei dawh hna thawh mek chu a \um hnihna atan tlawhin hnathawh dan an enfiah.

Association for Voluntary Blood Donation (AVBD) Serchhip Branch chuan Inrinni khan Awareness Campaign neiin an pawl hruaitu tur thlanna an nei.

Serchhip Town Development Committee (ST-DC) hruaitute chuan Inrinni zing khan Serchhip Bazar a\anga Lower Chanmari Veng panna kawng peng zauh dan tur an enho.

Kum 2013 hnuah TB vanga thi mi 22 an awm tawh Inrinni khan khawvel pumah TB natna dona Ni, ‘World TB Day’ hman a ni a, Serchhip-ah pawh he Ni  pual hian inkhawm neiin Serchhip District Addl. DC, Chuauhnuna chuan khuallian niin a hmanpui a, TB natna chungchang zirhona neih a ni bawk.

FCS&CA changtu Minister, John Rotluangliana chuan, Mizoram-a eirawngbawlna Gas phurtu Carrying Contractor te hun chu kumin September-ah a tawp dawn tih sawiin, heng mite hun hi pawhsei sak an nih dawn loh thu leh Indian Oil Corporation (IOC) chuan kumin April-ah Tender a ti chhuak dawn niin a sawi.

Zofate Chawlhbuk sak ngei a nih theih nan te, Assam sawrkarin Mizo zirlai pawisawilote leh Media lama thawkte kut a thlak duhlohna entirnan nimin khan Mizo Zirlai Pawl (MZP) General Hqrs. chuan Aizawl Vanapa Hall kawt-ah Sit-in demonstration an nei.

Tlabung-a \halai intelkhawm pawl, Tlabung Progressive Society chuan Ministry of Home Affairs hnuaia hna hrang hrang thawh mek viltu Public Sector Enterprise-te pisa chu kar khat chhung an khâr tawh.

Serchhip District Rifles Association buatsaih Serchhip District Shoting Competition (.177 Air Rifles leh Air Pistol) chu nimin a\ang khan SDRA Shooting Gallery-ah neih \an a ni a, tun \umah hian Junior (Under-18) leh Senior (18+) tan inelna neih a ni a, Vawiin hian chhunzawm leh tur niin a tel duh tan a hmunah kalin Entry Fee pek zel theih ala ni dawn a ni.

Serchhip damdawi In a thawk Doctor leh Nurse te tan nimin khan naupangte venhimna leh humhalhna Dan hrang hrang zirhona neih a ni.

Nimin khan PHE Serchhip WATSAN Division huaihawtin Serchhip-ah 'World Water Day 2018' hman a ni a, he ni puala siam Booklet tlang-zarh nghal a ni.

Khadi Village Industries (KVI) Mumbai leh Mizoram KVI Board \angkawp buatsaihin nimin khan Serchhip Hmar Veng YMA Hall-ah Handmade Paper & Fibre Industries chungchang zirhona neih a ni.

Chakma Autonomous District Council chu \hiatin Governor’s Rule ah dah a ni.

Serchhip District Volleyball Association buatsaih, 'Serchhip District Under-19 Volleyball Championship' chu nimin khan Chhim Veng Volleyball Court-ah khelh \an a ni.

Serchhip-a Horticulture Department buatsaihin nimin khan Serchhip-ah Dragon Fruit chungchang zirhona leh a chin dan inzirtirna neih a ni.

Home Minister R. Lalzirliana chuan kum 2015-2018 chhunga Police thi zat chu mi 435 a an nih thu House hrilhin, heng mite hi Zu vanga thi an ni tih tihchianna a awm loh thu a sawi.

Home Minister, R. Lalzirliana chuan Zokhawsang-a insawn tur Assam Rifles te chuan thilphut an nei tam leh telh telh tih sawiin, hemi vang hian Revenue department nen pawh anla inrem hlei theilo ni a a hriat thu a sawi a, hei hi Mizoram sawrkar nen pawh MoU an la ziah theih lohna chhan pakhat a nih thu a sawi.

Mara Autonomous District Council hnuaia Village Councils 92-ah inthlanpui chu thla thar April 17 khian neih a ni dawn.

Information and Public Relations Department chuan chanchin-bumite tana Nodal Department an nih angin tunhnaia Assam Police-te laka kut tuar journalist-te thla hualna leh thlavang hauhna hun nimin khan I&PR Auditorium-ah an buatsaih a, he hun hi I&PR Minister, Lal Thanzara leh Agriculture Minister, KS. Thanga bawkah MLA, Chalrosanga ten an hmanpui.

NLUP sum puktu Organisation hrang hrang 5 te chuan an loan lak an la rul zo lo a, an loan lak la rul miahlo te pawh anla awm.

Nehru Yuva Kendra (NYK) Serchhip leh Serchhip Sub-Hqrs. YMA te \angkawp buat-saihin nimin khan Serchhip-ah YMA Branch hrang hranga hruaitute tan 'Training on Youth Leadership and Community Development Prog-ramme' hman a ni.

Chief Minister, Lal Thanhawla chuan kawlphetha intodelh tura hmalakna ah State Solar Policy mumal tak siam a ni tawh tih Congress member, RL. Pianmawia zawhna chhangin House a hrilh.

Law & Judicial changtu Minister, Lalsawta chaun Lokayukta din fel ala nih loh thu sawiin, tunah hian Lokayukta Chairperson leh member tur atan 'shortlist' a awm tawh thu a sawi.

NLUP Nodal Minister, Agriculture Minister ni bawk KS. Thanga chuan, sawrkar Flaship Programme  NLUP ah chhungkaw 1,34,689 \anpuina pek an ni tawh tih sawiin, hemi atan hian cheng nuai 1,29,306.5035 sem a nih tawh thu a sawi a, tunah hian NLUP \anpuina pek tur chhungkaw 16,000 thlan leh mek a nih thu leh hemi atan hian budget ah cheng vbc. 80 dah a nih thu a sawi.

Chief Minister, Lal Thanhawla chuan ramri chungchanga Mizoram Chief Secretary leh Assam Chief Secretary inbiakna huna tel tur Mizoram aiawh te chu nimin khan a Office-a Cabinet Room-ah kokhawmin thu pawimawh chhawpchhuah turte enfiahpui.

Chief Minister, Lal Thanhawla chuan ramri chungchanga Mizoram Chief Secretary leh Assam Chief Secretary inbiakna huna tel tur Mizoram aiawh te chu nimin khan a Office-a Cabinet Room-ah kokhawmin thu pawimawh chhawpchhuah turte enfiahpui.

Chief Minister, Lal Thanhawla chuan ramri chungchanga Mizoram Chief Secretary leh Assam Chief Secretary inbiakna huna tel tur Mizoram aiawh te chu nimin khan a Office-a Cabinet Room-ah kokhawmin thu pawimawh chhawpchhuah turte enfiahpui.

Nimin March 15 khan khawvel pumah 'World Consumer Rights Day' hman a ni a, Serchhip-ah pawh Serchhip District Consumer Association buatsaihin Govt Serchhip College-ah World Consumer Rights Day hi hman niin kumin hian 'Making Digital Marketplaces Fairer' tih chu thupui-ah hman a ni.

Serchhip khawpui chhunga eirawngbawlna Gas harsatna sutkianna atana Borkhola a\anga Gas lak chu thlakhat hnuah tihtawp niin Borkhola a\ang hian eirawngbawlna Gas Trip 9 lak hman a ni.

Mizoram Asssembly Budget Session neih mekah Finance Minister, Lalsawta'n nimiin khan kum 2018-2019 chhunga Mizoram sawrkar sum hman tur ruahman a pharh a. Hetah hian nakum sorkar kum 2018-2019 chhunga sawrkar sum hmuh zat tura beisei chu a pumpuiin Rs. 96,72,65,00,000/- a ni a, heta \anga sum hmanral tur ruahman zawng zawng chu Rs.94,92,38,00,000/- a ni.

Mizoram sawrkar Tourism Department hmalakna a Champhai District-a Rural Homestay Scheme kalpui tur chu niminpiah tlai khan Tourism Minister, John Rotluangliana chuan a hawng.

Mizo Zirlai Pawl (MZP) in Bairabi Zophai-a Zofate Chawlhbuk sa tura nimin-a Hnam Hnatlang an koh chu thil \ha zawk beiseiin sawn rih a ni a, mipuite hriatthiamna MZP chuan a ngen.

Home Minister R. Lalzirliana chuan engtik Ni-ah emaw chuan Bairabi Zophai-ah Zofate Chawlhbuk sak ngei tum a nih thu House hrilhin, Assam sawrkar leh Assam Police te chet dan chu Mizoram sawrkarin a dem thu a sawi.

New Serchhip Bazar Veng-a cheng mipa naupang pakhat chuan tunkar Thawh\anni khan hnamdang pakhat in ruk tumin a man nia sawiin, Serchhip Police-ah FIR thehluh a ni a. Hetianga naupang ruk tum nia puh hi Serchhip Police te chuan manin Serchhip District Jail-ah dahluh nghal a ni.

Zoram Thar a din theihna tura hma latu, Rev. Dr. Zaichhawna Hlawndo leh a thawhpui te chuan nimin khan Serchhip Bazar-a Jemela Hotel-ah Serchhip-a thuthar thehdarhtute kawmin, kumin 2018 MLA inthlan a\ang hian Lalpa’n Zoramthar a din dawn tih an sawi.

Mizoram Journalists’ Association (MJA) General Hqrs. chuan Mizoram Journalist te thisen chhuak hial khawpa Assam Police ten kut an thlak chu an dem thu an sawi.

Mizoram Information Commission leh North Vanlaiphai Joint YMA buatsaihin nimin khan North Vanlaiphai-a Lersia Hall-ah Right to Information Act chungchang inzirtirna neih a ni a. He hunah hian RTI zawhna online hmanga zawh mai theih tura ruahmanna kalpui mek a nih thu leh a taka hman theih \ep a nih tawh thu tarlan a ni.

Nimin a International Women’s Day pualin Serchhip-a Catholic Kohhan Hmeichhe Pawl chuan Hmeichhia te mawhphurhna leh an pawi-mawhna te zirhona an nei.

Remna zawnga Mizoram sawrkar leh HPC (D) hel pawl inbiaknaah nimin khan inremna thu thlun a ni ta.

Govt. Serchhip College NSS Unit te chuan nimin khan JN Hospital Serchhip Blood Bank-a dah turin thisen Unit 81 an pe a.

MZP ten nimin-a Bairabi Zophai hmuna Zofate Chawlhbuk sak an tum chu Assam Police ten an phal loh avangin buaina a chhuak a, Assam Police ten tianga mipui pungkhawm an vuakna ah Mizoram mi 10 vel an hliam a, hliam zingah hian Mizoram-a chanchinbumi 2 an tel.

Urban Development & Poverty Alleviation Department leh Serchhip Sub-Hqrs. YMA te \angkawp hmalakna in Serchhip Town chhunga YMA Branch hrang hrangte faina kawnga inelna chu neih tur atan inbuatsaihna kalpui mek a ni.

 MNF Serchhip East Block leh West Block Joint Meeting neih tawhin a lo pass tawh angin nimin a Thenzawl-a MNF \halai kalkhawm te chuan "Serchhip constituency-a MLA candidate tur chu Headquarter-in an rawn dah ang apiang lungrual takin kan pawm a, MNF MLA candidate Serchhip constituency-a ding apiang a tlin ngei theih nan theihtawpin hma kan la ang," tiin Resolution siamin an pass a ni. Kumin hian MLA inthlanpui neih tur niin Candidate tur inrinsiak mek a ni a, MNF a\ang hian tunhma lama ding tawh C. Lalramzauva leh Vanlaltluanga te hming chu lamrik zingah a langsar hle a ni.

Serchhip-a Fisheries Department chuan Sangha chi-a intodelh beihpui thlak kalzelah nimin khan Sangha chi thar chhuah dan tur inzirtirna hun an buatsaih.

MNF President, Zoramthanga chuan inthlanpui kan hmachhawn turah MNF chu thawhpui nei lovin an kal dawn tih a sawi a. MNF an sawrkar chuan SEDP hmangin kan ram leilung hausakna haichhuakin mipuite chu eizawnna ngialnghet leh rethei tawh lo tura siam an tum thu a sawi bawk.

Niminpiah tlai khan Aizawl dai, Maumual-a Thlam pakhat ah hmeichhe ruang pakhat chhar a ni a, he ruang hi enfiah a nih hnuah Zothanmawii (Tetei), Serchhip Chanmari Veng ami ruang a ni tih finfiah a ni.

Serchhip District Road Safety Committee chu nimin khan Addl. DC, Chuauhnuna hovin a Office Chamber-ah an \hukhawm a, tun thla ni 12-16 chhunga Road Safety Week hman dan tur an sawiho.

Kum 2018-2019 chhunga Mizoram State Health Care Scheme leh Rashtriya Swasthya Bima Yojana (RSBY) kalpui tur chungchang zirhona chu nimin khan Serchhip District chhunga Health Department-a thawktute tan buatsaih a ni.

Serchhip-ah cheng nuai 19 chuang sem a ni tawh Mizoram State Legal Services Authority (MSLSA) chuan kum 2017 chhungin dan bawhchhiatna avanga tuartu (victim) mi 53 hnenah danin a phut sum-a \anpuina, Crime Victim Compensation cheng nuai 145.85 a pe chhuak a. Serchhip District-ah pawh kum 2015 a\angin mi 10 hnenah zangnadawmna hi pekchhuah a ni tawh.

Mizoram UPC te chuan nimin khan Mizoram hmun hrang hrangah Missionary Day an hmang a, Serchhip-ah chuan ruai nen he Ni hi hman a ni.