TBC-a leh Florence Lalrinpuii te hnenah AMCRA in ngaihdam an dil

/

All Mizoram Car Rental Association (AMCRA) chuan thu belhchian dawl lo hmanga an beih avangin Adviser to Chief Minister leh MLA TBC. Lalvenchhunga hnenah ngaihdam an dil.

Inrinni khan AMCRA te hian TBC. Lalvenchhunga hi lehkha thawnin, April ni 4 zan-a Hotel Regency-a Assembly an neihnaah leh thuchhuah an siamah MP (Lok Sabha) Election 2024 lo awm turah TBC Car Rental hman a nih chungchangah thu belhchian dawl lo an dawn avangin TBC. Lalvenchhunga hi a in rawlh anga ngaiin a hming mawi lo takin an phochhuak tih an sawi a, an thu hriatte chu thu belhchian dawllo a ni tih an hriatchhuah leh tak avangin pawi an ti hle tih tarlangin, Social Media lamah mawi lo taka MLA hming an thehdarh avang hian ngaihdam an dil a, ngaihdam an dilna leh an ngenna chu pawmsak turin an ngen thu an ziak bawk.

Hemi rual hian AMCRA hian SCERT-a Deputy Director Florence Lalrinpuii hnenah pawh hetiang bawk hian ngaihdam dilna lehkha hi an siam bawk a ni.

AMCRA lamin lehkha an thawn chungchangah hian TBC. Lalvenchhunga chuan ngaihdam dilna lehkha an dawn thu leh dan hmanga hmalak mek a nih avangin tunah chuan thutlukna siam nghal vek theih a nih loh thu a sawi a, thu dik chu a lo lanchhuah leh mai thin thu a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »