Gas phurtu Carrying Contractor-te thlak vek dawn

FCS&CA changtu Minister, John Rotluangliana chuan, Mizoram-a eirawngbawlna Gas phurtu Carrying Contractor te hun chu kumin September-ah a tawp dawn tih sawiin, heng mite hun hi pawhsei sak an nih dawn loh thu leh Indian Oil Corporation (IOC) chuan kumin April-ah Tender a ti chhuak dawn niin a sawi.
Nimin-a Assembly Session ah Congress Member, TT. Zothansanga zawhna leh zawhbelhna te chhanga he thu hi sawiin, Supply Minister chuan, Mizoram-a Gas phurtu Carrying Contractor te rate chu a hniam lutuk tih sawiin, hemi vang hian Gas an phur \ha duhlo tih a sawi. Contractor te chu IOC lak an nih thu leh kumin September thleng contract an la neih thu a sawi a, a tlangpuiin Contractor te hi thla 6 chhung an hun pawhsei sak an nih \hin laiin, IOC an nawr angin, heng Contractor te hi an hun pawhsei sak an ni dawn lo a, hemi vang hian IOC chuan thla thar April-ah hian Tender a tichhuak dawn niin House a hrilh.
Mizoram-a Gas harsatna chu sawrkarin a hria tih Supply Minister chuan sawi bawkin, Gas phurtu Carrying Contractor te'n an phurh \hat duhloh avangin FCS&CA-in a dil angin Department chuan eirawngbawlna Gas phurhna tur Rs. 8,08,000/- a approved sak tawh niin a sawi a. Mizoram in kan rin pui ber Mualkhang Gas Bottling Plant chu MT 100 chauh len theihna a nih avangin Sairang-a MT 500 len theihna hmun chu IOC-ah an pe fel tawh niin a sawi a, hetihlai hian thuneihna pumhlum Mizoram swrkarin a neih loh avangin thil tih a harsa niin a sawi bawk. John Rotluangliana chuan, Mizoram-a Gas Agency leh Petrol Pump thlenga hawn belh turin IOC-ah an thlen \hin thu sawi bawkin, amaherawh chu IOC thuneihna a nih avangin a thlengtu IOC tih dan dan a nih thu a sawi bawk.

Popular News

PAN CARD an tih teh fo hi - Laldinpuia