Thisen chhuaka Journalist kutthlak MJA in an dem

Mizoram Journalists’ Association (MJA) General Hqrs. chuan Mizoram Journalist te thisen chhuak hial khawpa Assam Police ten kut an thlak chu an dem thu an sawi.

Nimin a thuchhuah siama an tarlan danin MJA General Hqrs. chuan nimin March 8, 2018-a MZP ten Bairabi Zophai a Zofate Chawlhbuk sak leh an tum chungchanga thil awmdan a hmuna en thlithlai tura kal Mizoram Journalist te thisen chhuak hial khawpa Assam Police ten kut an thlak leh, an bungruate an tichhia chu an dem thu an sawi a. Journalist ten an nihna tichiangtu Identity Card (ID) an entir chung pawha engah mah ngai lova Assam Police ten kut an thlak leh, Press sticker inbel hmu reng chunga Journalist te lirthei an nghaisa chu chanchinbumite zalenna nghaisakna dik tak a nih avangin thinrim thlak an tih thu an sawi a. Assam Police kut tuar Mizoram Journalist te leh an bungraw chhia te hi a \ul anga zangnadawmna pe turin Assam sawrkar an phut thu an tarlang bawk.

MJA thuchhuah tarlan danin MZP ten Bairabi Zophai-a Zofate Chawlhbuk sak hnatlang an neih lehnaa thil awmdan thlir tur hian MJA Gen. Hqrs. Aizawl a\angin Journalist 3 (pathum) leh Kolasib District MJA a\angin 3 (pathum) an kal a, heng Journalist 6 zinga 3 te hian Assam Police te kut an tuar a ni. He thilthleng chungchang hi MJA chuan ngawih bopui mai a tum loh thu leh a enzui zel dawn thu an tarlang bawk.