Mizoram sawrkar leh HPC (D) inbiakna neih ah Political Level-a inremna neih a ni

Remna zawnga Mizoram sawrkar leh HPC (D) hel pawl inbiaknaah nimin khan inremna thu thlun a ni ta.

Mizoram sawrkar leh HPC (D) inbiakna Political Level-a neih hi nimin khan chhunzawm leh niin inbiakna an neih zawha thuthar lakhawmtu \henkhat zawhna chhangin, he inbiaknaa Sawrkar lam aiawh hruaitu, Chief Minister Political Adviser, Lalrinmawia Ralte MLA chuan, kum 2016 August thlaa inbiakna \an a nih a\anga thu inchuh an lo neihte chu tun \uma inbiakna hian harsatna awm lovin tlang takin an sawi ho tih a sawi a. Tuna inremna an siam chu Sawrkar hotute hnenah thlen a ni ang a, chumi hnuah inremna atana thil \ul pawimawh hrang hrang chu a \ul anga bawhzui chhoh zel a nih tur thu a sawi a. MoU ziah hun tur chungchanga zawhna chhangin an inremna chu sawrkar ah thehlutin sawrkar hotute leh HPC (D) hotute inrawnin a hun tur chu puanzar ala nih tur thu leh inremna erawh puanzar theih ala nih loh thu a sawi bawk.

He inbiaknaa HPC (D) lam aiawh leh an thupuangtu nibawk, Lal\halien pawhin, an beisei duh ang ngeia Mizoram Sawrkar nen inremna an siam thei ta chu lawmawm a tih thu a sawi a. Inremna an siamah hian lungawi lohna an neih loh thu leh sawrkar a\anga nawrna a awmloh thu an sawi a. An inremna ah hian lungrual taka thutlukna siam an nih thu a sawi bawk.

Remna kawng zawnga Mizoram sawrkar leh HPC (D) hel pawl inbiakna hi August ni 10, 2016 a\ang khan Official Level-ah \an a ni a, nikum September ni 22-a inbiakna neih \um khan inbiak lehna hmasa ber chu thuneihna sang zawk Political Level-a neih ni se tih a nih angin niminpiah khan Chaltlang-a State Guest House-ah inbiakna hi \an a ni a. He inbiaknaah hian inremna siam tura Sawrkar lam leh HPC (D) helpawl duh dan leh ruahmanna hrang hrang thlirho niin, rawtna awmte chu uluk zawka an ngaihtuah theih nan nimin-a inbiak chhunzawm leh tura thu dah a ni a. Hemi anga nimin chawhnu dar 1:00-a inbiakna chhunzawm a nih hnuah he inremna hi siam a ni ta a ni.

He inbiaknaah hian sawrkar lam chu Chief Minister Political Adviser, Lalrinmawia Ralte MLA leh Law Commission Chairman, John Siamkunga MLA-in hovin, an ni bakah hian sawrkar mi pawimawh te an tel a. HPC (D) aiawhte chu an Working Chairman, LT. Hmar hovin an pawl hruaitu \hahnem tak an tel bawk a ni.