Saturday, 17 March 2018

NLUP atan cheng vbc.1293.06 sem ni tawhin NLUP dawng tur chhungkaw 16,000 thlang leh mek

NLUP Nodal Minister, Agriculture Minister ni bawk KS. Thanga chuan, sawrkar Flaship Programme  NLUP ah chhungkaw 1,34,689 \anpuina pek an ni tawh tih sawiin, hemi atan hian cheng nuai 1,29,306.5035 sem a nih tawh thu a sawi a, tunah hian NLUP \anpuina pek tur chhungkaw 16,000 thlan leh mek a nih thu leh hemi atan hian budget ah cheng vbc. 80 dah a nih thu a sawi.

Nimin chawhma lama Mizoram Legislative Assembly Budget session zawhna leh chhanna hun ah MNF Member, K. Sang\huama zawhna leh member dangte zawhbelhna chhanga he thu hi sawiin Agriculture Minister chuan, NLUP \anpuina chu pek chhunzawm zel tura ruahmanna siam a nih thu sawiin, rampum huap ang pawh a thil ropui, mipuite chanai laksakna awm miah silo a, cheng vbc. 1000 chuang semna ang hi India mai nilo, khawvel ramdangah pawh ala awm ngailo niin a sawi a, United Nations Organisation (UNO) pawhin a ngaihven mai bakah, India Prime Minister pawhin Mizoram sawrkar tih dan entawn turin state \henkhat thu a rawn thu a sawi.
Opposition Leader Vanlalzawma chuan kumin February 14 hma NLUP Implementing Board (NIB) Chairman in MLA te hnena DO letter a thawn-ah MLA te chu an bial chhung \heuhah NLUP t\npuina dawng tur chhungkaw 400 \heuh thlang tur leh hemi atan hian cheng nuai 400 ruahman a nih thu a tarlang a, NIB Chairman DO Letter hi Opposition MLA te pek an nih ve loh thu leh hriattirna pawh an dawn loh thu a sawi a, hei hi sawifiah turin NLUP Nodal Minister KS. Thanga chu a phut a, hemi chungchang hi sawifiahin KS Thanga chuan, NIB ruahmanna chu a hriatpui loh thu a sawi a, hetihrual hian NLUP tuipui MLA te hnenah NIB hian DO letter an pe ni a a ngaih thu sawiin, Opposition MLA te hi DO letter pek nilo mahse, NLUP \anpuina sem leh tur chuan mipui a huap tho tur thu a sawi a. Member te zawhbelhna chhangin "NLUP hi Congress party chauh ah sem ta ni ila chuan Opposition MLA te hian din chhan tur in neilo ang," a ti bawk.
House Leader, Lal Thanhawla pawhin NLUP chungchang hi sawiin, NLUP hlawhtlin leh hlawhtlin loh tehna pakhat ah chuan, kum 2013 inthlan zawh hlim khan Opposition party lian ber President chuan, "An NLUP hi kan hneh loh ber chu a ni," tiin alo sawi tawh niiin a sawi a. Opposition party 5 President \heuh ten hming sign in India Prime Minister hnenah NLUP titawp tura ngenna thlen ni mahse, Prime Minister chuan titawp lovin, state dangah pawh kalpui ve dan tur zawng turin thurawn a pe tih Niti Aayog member \henkhatte hnen a\anga an hriat thu a sawi.

Latest News

THLASIK KHUAL|HA TE I DUAT ANG U

THL ASIK KHUAL|HA TE I DUAT ANG U - K. Lalmuansanga (Zotei Pa), ASEP