Friday, 23 March 2018

Serchhip-ah World Water Day 2018 hman a ni

Nimin khan PHE Serchhip WATSAN Division huaihawtin Serchhip-ah 'World Water Day 2018' hman a ni a, he ni puala siam Booklet tlang-zarh nghal a ni.
'World Water Day 2018' puala inkhawm PHE Serchhip WATSAN Division Office-a neih ah hian Er. F. Lalsanglura, Sr. EE, PHE Department chuan tui chu hriselna nen inkung-kaih tlat a nih thu leh, thil engkim bul\anna leh thil nung tinrengte nunna bul a nih avangin a pawi-mawh thu a sawi a, chuvangin tui hna vawnhim a pawimawh thu a sawi a. Mi \henkhatin kan in tur tuilakna lui te tûr hmanga an hrai fo \hin chu pawi a tih thu sawiin, tui humhalh chungchangah Law & Order kengkawltute pawhin khauh taka hma an lak a \ul thu a sawi a, tui hna humhalh chungchangah NGO te an pawimawh hle a, hma an lak mekna ah nasa zawka \an an lak chhoh zel a \ul thu a sawi bawk.
Hei bakah hian Er. F. Lalsanglura chuan Tuihna humhalh tura ramngaw humhalh a \ul thu sawiin, hei hi kan tu leh fate tana thil \ha a nih dawn thu a sawi a, "Pi leh pu te khan tuikhur te hiat fai leh tui kawng te siamin an hnatlang \hin a, tunah chuan sawrkar kut ringawt kan nghak ta hi a pawi hle a ni," a ti a, "Tui hna humhalh hi sawrkar chauh tihtur ni lovin tui hmangtu mipuiten kan mawhphurhna a ni tih i hre thar ang u," tiin he Ni puala PHE Department, Serchhip WATSAN Division-in Booklet an siam, "Kan Tui, Kan Nunna (Our Water, Our Life)" tih Er. F. Lalsanglura hian a tlangzarh nghal bawk.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...