MADC-a VC inthlan hun puang

Mara Autonomous District Council hnuaia Village Councils 92-ah inthlanpui chu thla thar April 17 khian neih a ni dawn.

Mara Autonomous District Council hnuaia Village Councils 92-ah inthlanpui neih tur chungchang ah hian nimin khan Mizoram State Election Commission chuan hriattirna tichhuakin naktuk ah bial tina Returning Officer ten inthlanna neih tur atan hian hriat-tirna an tichhuak ve leh anga, he inthlanna chuh tum te tan tun thla ni 24 tlai dar 3:00 thleng hming pekluh theih a ni anga, March 26-ah hming pekluh te chu enfiahin a tuk March 27, 2018 tlai dar 3:00 thleng inhnukdawk duhte tan hun hawngin hemi Ni vek hian Symbol pekchhuah nghal a ni anga, April 17-ah vote thlak a ni ang.

He inthlanna a vote tla te chu hemi Ni vek-a Vote thlak zawh velah chhiar nghal a ni anga, engemaw harsatna avanga vote thlak \hat ngai a awm chuan April 18-ah vote hi mthlak \hat leh tur a ni anga, VC thlantlin thar te chuan April 21 hmain Executive Body insiamin inthlanna kaihhnawih hrang hrangte chu April 24-ah chuan zawhfel vek tura ruahman a ni.

MADC huamchhunga VC inthlanpui neihna turah hian Siaha Deputy Commissioner chu District Election Officer (DEO) atana ruat a ni a, amah puitu atan Election Officer, Siaha chu Asst. District Election Officer (ADEO) atan ruat a ni bawk. Inthlanna buaipuitu atan Returning Officers 92, Presiding Officers 92 leh Polling Officers 214 ruat an ni a, Village Council Contituencies 92-ah hian New Siaha ‘W’ Polling Station-ah Voters 1614 lai an awm avangin vote thlak hun chhunga vote thlak zawh a nih ngei theihna turin Auxiliary Polling Station siam a ni ang. Inthlanna neih hun tur puan a nih tak avang hian heng inthlanna neih tur huamchhung ah hian Vawiin a\ang vek khan Model Code of Conduct chu hman \an nghal a ni bawk.