Latest News

Zirlai ten thisen Unit 46 pe

/
Image
Nimin khan Govt. Serchhip College zirlai te chuan Serchhip Blood Bank-a dah turin thisen Unit 46 an pe. Rampum-a 'Ayushman Bhava' kalpui meka Sewa Pakhwada hman mek denchhen leh Govt. Serchhip College in kum 50 a tlin lawmna bakah NSS Foundation Day lo thleng tur den-chhenin nimin khan Govt. Serchhip College NSS Unit leh NCC Air Wing te chuan Serchhip Blood Bank-a dah turin thisen Unit 46 an pe a, thisen petute hi mipa 22 leh hmeichhia 24 niin heng mi tlawmngai te thisen la tur hian Serchhip Blood bank-a thawktute chu College-ah hian kalin thisen hi an lak sak a ni.
Post a Comment

Governor’s Rule-ah CADC dah

/
Chakma Autonomous District Council chu \hiatin Governor’s Rule ah dah a ni.
India Danpui 6th Schedule-in a duan angin CEM, Amit Kumar Chakma kaihhruai CADC chu a kal thei tawh lo tiin Governor, Lt. Gen. (Rtd) Nirbhay Sharma chuan Governor’s Rule hnuaiah a dah a. Thla li (4) chhung emaw, CADC inthlan awm mai tur result a zira Council thar a pian hma chuan Lawng-tlai Deputy Commissioner-in administration a enkawl dawn niin sawrkar thu chhuak in a tarlang.
Governor chuan complaint hrang hrang avanga Lawngtlai DC, Dr. Arun T chhuichhianna behchhana he thutlukna hi a siam a nih thu thu-chhuah a siam ah tarlangin, hemi hmalam hian Governor vek hian Lawngtlai DC hlui, tuna Aizawl DC nilai, Dr. A. Muthamma chu CADC-a thil felhlel ni a ngaih te chhuichiang turin a lo ruat tawh bawk a. Heng chhuichianna leh Director of Local Fund Audit-in CADC account a chhuichianna te chu chipchiar taka zirchiangin tunhnai khan a tichhuak a ni.

Comments

Post a Comment

Popular News (Last 30 Days)