Lokayukta Chairperson leh member shortlist siam

Law & Judicial changtu Minister, Lalsawta chaun Lokayukta din fel ala nih loh thu sawiin, tunah hian Lokayukta Chairperson leh member tur atan 'shortlist' a awm tawh thu a sawi.
Nimin a Assembly Session zawhna leh chhanna hunah Aizawl North-II bialtu MLA, Lalthanliana zawhna chhangin, Lalsawta chuan, Search Committee chuan Lokayukta Chairperson leh member tur mi a shortlist tawh tih a sawi a, heng mite hi an Bio-data kimchang nen Selection Committee ah thawn a nih tawh thu leh Selection Committee in ngun taka a ngaihtuah hnuah thutlukna a siam dawn niin a sawi a. Lokayukta dinna tur hian Officer leh Staff post 35 ruahman a ni a, heng post atana Recruitment Rules pawh peihfel a ni tawh a, tunah hian DP&AR ah filling up of post dil mek a ni a, phalsak an nih chuan post hnawhkhat tura hmalak a ni ang. Hetihlai hian Lokayukta building luah tur pawh thlan fel a ni tawh a, a building chei \hat hna \an tum mek a ni a, 'Rent agreement' pawh buaipui mek a ni.

Popular News

PAN CARD an tih teh fo hi - Laldinpuia