Auto Rickshaw chesual-ah mi 3 an boral

Seling khua atanga Thingsulthliah pana kal Auto Rickshaw pakhat chu nimin tlai khan Thingsulthliah khawchhung ah chesualin kawngthlang ah a tlanliam a, he Auto Rickshaw-a chung mi pali zinga pathum chu a hmunah boralin midang pakhat pawh hian hliam a tuar a ni.

Thudawn danin he Auto Rickshaw hi nimin tlai dar 3:30 vel khan Seling atanga Thingsulthliah khuaa kal tur niin Thingsulthliah khawchhung, In awm khatna lai-ah breakfail vanga chesualin kawngthlang ah a tlanliam a, mi 4 chuangin he Auto Rickshaw khalhtu Lalhmingthanga (68), Luahkimi (54) leh C. Rohlupuii (69) te chu chesualna thlenna hmunah hian boralin an vai hian Seling khua vek an ni a, midang pakhat  F. Lalrohluni (56) chuan hliam tuarin nimin tlai vek khan Aizawl lama enkawl tura lak a ni bawk.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result