Friday, 23 March 2018

Tlabung-ah Public Sector Enterprise Pisa la khar zel

Tlabung-a \halai intelkhawm pawl, Tlabung Progressive Society chuan Ministry of Home Affairs hnuaia hna hrang hrang thawh mek viltu Public Sector Enterprise-te pisa chu kar khat chhung an khâr tawh.
TPS-te hian, Mizoram leh Assam inrinaa tunhnaia journalist tiama Mizoram lam mi engemaw zat laka tharum thawhtu ni ngeia hriat Assam Police leh thu petu Hailakandi DC, Adil Khan-te hrem an nih theih nana hma la tura sawrkar laipui kar nan PSE pisa te hi an khâr a; thawktuten tihluihnaa pisa an kài loh avang hian boruak tha lo a thlen hriat a ni lo.
Nimin khan, Ministry of Home Affairs hnuaia hna hrang hrang thawh mek viltu PSE pahnih - Engineering Projects India Limited (EPIL) leh National Projects Construction Corporation Limited (NPCC) hotute leh an pisa kharsaktu TPS hruaitute inbiain thil awmdan an sawiho a, tunkar chhung pisa kai lo chhunzawm turin TPS-te chuan Public Sector Enterprise hotute an hriattir a ni. 
Hetihlai hian, Tlabung Progressive Society hruaitute chuan, Ministry of Home Affairs-ah lehkha dang thehluh leh an tum thu sawiin, chhanna ngaihchan pahin PSE pisa khar hmanga sawrkar laipui laka an thilphût lantir chhunzawm zel an tum thu an sawi a, an thil tih chu Mizo hnam tan a nih avangin, thil \ha zawk ngaihtuah chunga tha thlah lova an nawr chhunzawm zel tur thu an sawi a ni.
Tun thla March ni 14 a\anga TPS-ten Public Sector Enterprise-te pisa an khar avang hian ramri hrula hna hrang hrang, Ministry of Home Affairs hnuaia thawh mek - Indo-Bangla Border Fencing, Border Flood Lighting, Border Outpost sak mek te a a khaihlak phah nia thudawn a ni.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...